വീണാ വിജയനെതിരേ മാത്യു കുഴല്നാടന് എംഎല്എ ഉന്നയിച്ച ആരോപണങ്ങളില് സിപിഎമ്മിനെയും അതിന്റെ നേതാക്കന്മാരെയും രൂക്ഷമായി പരിഹസിച്ച് നടന് ജോയിമാത്യു. സേവനത്തിന് നികുതി ഈടാക്കുന്നതിനെതിരേ ധീരയായ ഒരു പെണ്കുട്ടി നടത്തിയ സമരകാഹളം ഇടതു ബുദ്ധിജീവികള്ക്ക് മനസ്സിലാകാതെ പോയെന്നാണ് പരിഹാസം.
ധീരയായ ഒരു പെണ്കൊടി നികുതികള് അടക്കാന് തയ്യാറാകാതിരുന്നത് മാത്യു കുഴല്നാടന് മനസ്സിലാക്കാതെ പോയെന്നാണ് ഫേസ്ബുക്ക് പോസ്റ്റില് ജോയ്മാത്യുവിന്റെ ഒളിയമ്പ്
കുഴല്നാടന്റെ വീട്ടുപടിക്കല് പോയി നാലു മുദ്രാവാക്യം വിളിച്ചത് കൊണ്ട് ഒരു കാര്യവുമില്ല. അയാള്മുതലാളിത്ത പാതയും സാമ്രാജ്യത്വ പാതയും കൂട്ടിമുട്ടിക്കാനായി ഉമ്മറത്തെ തിണ്ണയിലിരുന്നു ചായകുടിച്ചും പത്രം വായിച്ചും നമ്മള് വിപ്ലവകാരികളെ നാണം കെടുത്തുകയാണ്.
അത് അയാളുടെ തന്ത്രമാണ് ,നമ്മള് വിപ്ലവകാരികള് അതില് വീണുപോകരുത്. മിത്തിനോട് കളിച്ചപോലെ അയാളോട് കളിക്കേണ്ട അയാള് ഒരു മിത്തല്ല, ആശയം ഭൗതിക ശക്തിയായി പരിണമിപ്പിച്ച കൊടും ഭീകരനാണയാള്.
സാധാരണക്കാരെ കൊള്ളയടിക്കുന്ന ബൂര്ഷ്വാ -മുതലാളിത്ത നയത്തിനെതിരെയുള്ള സമര കാഹളം ധീരയായ ഒരു പെണ്കുട്ടി നടത്തിയിട്ടും ഇടത് ബുദ്ധി ജീവികളും പണിയെടുത്ത് ജീവിക്കുന്നതില് വിശ്വാസമില്ലാത്ത വൈപ്ലവ യുവജന പ്രസ്ഥാനക്കാരോ പിന്തുണക്കാത്തത് കഷ്ടം തന്നെയെന്നും കളിയാക്കുന്നുണ്ട്.
ജോയിമാത്യുവിന്റെ ഫേസ്ബുക്ക് പോസ്റ്റ്:
'സേവനത്തിനു നികുതി ഈടാക്കുക 'ഹോ എന്തൊരു അസംബന്ധമാണത് !
അതിനോടുള്ള പ്രതിഷേധമായിട്ടാണ് ധീരയായ ഒരു പെണ്കൊടി മേല്പ്പറഞ്ഞ നികുതികള് അടക്കാന് തയ്യാറാവാതിരുന്നത് എന്ന് ശ്രീ മാത്യു കുഴല് നാടന്
മനസ്സിലാക്കാതെ പോയി .
GST ,IGST എന്നീ സേവന നികുതികള് മുതലാളിത്തത്തിലേക്ക് കുതിക്കുന്ന ഇന്ത്യയിലെ ജനങ്ങളെ കൊള്ളയടിക്കാനുള്ളബൂര്ഷ്വാ ഏര്പ്പാടാണെന്ന് ആര്ക്കാണറിയാത്തത് !
സാധാരണക്കാരെ കൊള്ളയടിക്കുന്ന ബൂര്ഷ്വാ -മുതലാളിത്ത നയത്തിനെതിരെയുള്ള സമര കാഹളം ധീരയായ ഒരു പാവം പെണ്കുട്ടി മുഴക്കിയിട്ടും നമ്മുടെ പേടിച്ചു തൂറികളായ ഇ ബു ജി (ഇടത് ബുദ്ധി ജീവികള് )കളോ പണിയെടുത്ത് ജീവിക്കുന്നതില് വിശ്വാസമില്ലാത്ത
വൈപ്ലവ യുവജന പ്രസ്ഥാനക്കാരോ പിന്തുണക്കാത്തത് കഷ്ടം തന്നെ .
ആ ധീരവനിത കൊളുത്തിയ നികുതി വിരുദ്ധ വികാരം തീഷ്ണസമര ജ്വാലയായ് വളര്ത്തിയെടുക്കുകയും കേന്ദ്ര-സംസ്ഥാന സര്ക്കാരുകളുടെ നികുതി പിഴിയല് പരിപാടിയായ
ഏടഠ,കഏടഠ ചൂഷണങ്ങളില് നിന്നും വിമോചിപ്പിക്കുകയുമല്ലേ സത്യത്തില് നാം ചെയ്യേണ്ടത് ? അങ്ങിനെയെങ്കില്
എന്റെ പിന്തുണ ഇപ്പോള് തന്നെ ഇതാ റൊക്കമായി (GST ,IGST എന്നിവ ഇല്ലാതെ )തരുന്നു .
അല്ലാതെ കുഴല്നാടന്റെ വീട്ടുപടിക്കല് പോയി നാലു മുദ്രാവാക്യം വിളിച്ചത് കൊണ്ട് ഒരു കാര്യവുമില്ല. അയാള്മുതലാളിത്ത പാതയും സാമ്രാജ്യത്വ പാതയും കൂട്ടിമുട്ടിക്കാനായി ഉമ്മറത്തെ തിണ്ണയിലിരുന്നു ചായകുടിച്ചും പത്രം വായിച്ചും നമ്മള് വിപ്ലവകാരികളെ നാണം കെടുത്തുകയാണ് .അത് അയാളുടെ തന്ത്രമാണ് ,നമ്മള് വിപ്ലവകാരികള് അതില് വീണുപോകരുത് .മിത്തിനോട് കളിച്ചപോലെ അയാളോട് കളിക്കേണ്ട അയാള് ഒരു മിത്തല്ല ,ആശയം ഭൗതിക ശക്തിയായി പരിണമിപ്പിച്ച കൊടും ഭീകരനാണയാള് .
അതിനാല് GST ,IGST ക്കെതിരെ ധീരമായി നിലപാടെടുത്ത ആ സ്ത്രീ രത്നത്തെ പിന്തുണക്കുക.
സമരം ആളിക്കത്തിക്കൂ.
എന്നിട്ട് വേണം ആളുന്ന ജ്വാലയില് നിന്നും എനിക്കൊരു ബീഡി കത്തിച്ചു വലിച്ചു രസിക്കാന്
