പുതുപ്പള്ളി: പുതുപ്പള്ളി ഉപതിരഞ്ഞെടുപ്പില് യുഡിഎഫ് സ്ഥാനാര്ത്ഥി ചാണ്ടി ഉമ്മന് ഇതുവരെയുള്ള ഭൂരിപക്ഷം മറികടക്കുമെന്ന് സഹോദരി അച്ചു ഉമ്മന്. തിരഞ്ഞെടുപ്പില് വോട്ട് ചെയ്തു ഫലമറിഞ്ഞ ശേഷം താന് ജോലി സ്ഥലത്തേക്ക് തിരിച്ചുപോകുമെന്നും അവര് പറഞ്ഞു.
സമൂഹ മാധ്യമങ്ങളില് വ്യാജ അക്കൗണ്ടുകളുണ്ടാക്കി ആളുകളെ അധിക്ഷേപിക്കുന്നത് പതിവായിരിക്കുകയാണ്. ഇത്തരം സൈബര് ആക്രമണങ്ങള് നിയന്ത്രിക്കാന് ഒരു നിയമ നിര്മ്മാണം ആവശ്യമാണ്. തനിക്കു നേരെയുണ്ടായ അധിക്ഷേപത്തില് തന്റെ കടമ നിര്വ്വഹിച്ചു. പരാതി നല്കി. അന്വേഷണ ഉദ്യോഗസ്ഥരോട് സഹകരിച്ചു. അവരും തന്നോട് നല്ല രീതിയിലാണ് സഹകരിച്ചത്. തുടര് നടപടികള് എന്താണ് മുന്നോട്ടുപോകാത്തതെന്ന് അറിയില്ല. സാങ്കേതികമായ കാരണങ്ങളുണ്ടാവാം.
സര്ക്കാരിന്റെ അഴിമതി, വിലക്കയറ്റം, കര്ഷകര് പട്ടിണിയിലാണ്. ഇതെല്ലാം സര്ക്കാര് വിരുദ്ധ ഘടകമാണ്. ഇത്രയും അനുകൂലമായ ഒരു സാഹചര്യം യുഡിഎഫിന് ലഭിച്ചിട്ടില്ല. ഉന്നത വിദ്യാഭ്യാസമുള്ള പ്രവര്ത്തി പരിചയമുള്ള ഒരു യുവാവിന്റെ കന്നി അങ്കമാണ്. അതിനെല്ലാം ഉപകരിയാണ് ഉമ്മന് ചാണ്ടി എന്ന വികാരം. അദ്ദേഹം കഴിഞ്ഞ 53 വര്ഷം ഈ നാടിന് ചെയ്ത സേവനം ഓരോരുത്തര്ക്കുമറിയാമെന്നൂം അച്ചു ഉമ്മന് മാധ്യമങ്ങളോട് പറഞ്ഞു.
