കൊളംബോ: കൊളംബോയിലെ പ്രേമദാസ സ്റ്റേഡിയത്തില് നടന്ന കലാശപ്പോരില് ശ്രീലങ്ക മുന്നോട്ടുവെച്ച 51 റണ്സെന്ന ചെറിയ വിജയലക്ഷ്യം അനായാസം മറികടന്നാണ് ഇന്ത്യ ഏഷ്യാ കപ്പ് ഉയര്ത്തി. മറുപടി ബാറ്റിംഗില് 6.1 ഓവറില് വിക്കറ്റൊന്നും നഷ്ടമാവാതെ ഇന്ത്യ ലക്ഷ്യം മറികടന്നു. ഇഷാന് കിഷന് (23), ശുഭ്മാന് ഗില് (27) പുറത്താവാതെ നിന്നു.
അഞ്ചു വര്ഷത്തിനു ശേഷമാണ് ഇന്ത്യ ഏഷ്യാ കപ്പ് കിരീടത്തില് മുത്തമിടുന്നത്. 2018-ലാണ് ഇന്ത്യ അവസാനമായി ടൂര്ണമെന്റില് വിജയിക്കുന്നത്. ആദ്യം ബാറ്റ്ചെയ്ത ശ്രീലങ്ക 15.2 ഓവറില് 50ന് എല്ലാവരും പുറത്തായി. സിറാജ് ആറ് വിക്കറ്റ് വീഴ്ത്തിയപ്പോള് ശ്രീലങ്ക തകര്ന്നിടഞ്ഞു ഹാര്ദിക് പാണ്ഡ്യ മൂന്ന് വിക്കറ്റെടുത്തു. ജസ്പ്രിത് ബുമ്രയ്ക്ക് ഒരു വിക്കറ്റുണ്ട്.
സിറാജിന്റെ രണ്ടാം ഓവറില് ആദ്യ പന്തില് തന്നെ പതും നിസ്സങ്കയെ (2) സിറാജ്, രവീന്ദ്ര ജഡേജയുടെ കൈകളിലെത്തിച്ചു. അടുത്ത പന്തില് റണ്സൊന്നുമില്ല. മൂന്നാം പന്തില് സദീര സമരവിക്രമ (0) എല്ബിഡബ്ലൂായി. തൊട്ടടുത്ത പന്തില് ചരിത് അസലങ്ക (0) ഇഷാന് കിഷന്റെ കയ്യില് വിശ്രമിച്ചു. അടുത്ത പന്തില് ധനഞ്ജയ ഡിസില്വ ബൗണ്ടറി നേടി. അവസാന പന്തില് ധനഞ്ജയയെ പുറത്താക്കി സിറാജ് പ്രായശ്ചിത്തം ചെയ്തു.
മൂന്നമത്തെ ഓവറില് ബുമ്ര റണ്ണൊന്നും വിട്ടുകൊടുത്തില്ല. അടുത്ത ഓവറില് ദസുന് ഷനകയെ (0) മടക്കി സിറാജ് അഞ്ച് വിക്കറ്റ് നേട്ടം പൂര്ത്തിയാക്കി. പുറകേ കുശാല് മെന്ഡിനേയും സിറാജ് (17) മടക്കി
ടോസ് നേടി ബാറ്റിങ് തെരഞ്ഞെടുത്ത ശ്രീലങ്കയ്ക്ക് മോശം തുടക്കം. 12 റണ്സെടുക്കുന്നതിനിടെ ശ്രീലങ്കയ്ക്ക് ആറു വിക്കറ്റ് നഷ്ടമായിമായിരുന്നു. 17 റണ്സെടുത്ത കുശാല് മെന്ഡിസാണ് ലങ്കയുടെ ടോപ് സ്കോറര്. ദുഷന് ഹേമന്തയാണ് (13) രണ്ടക്കം കണ്ട മറ്റൊരു താരം.
ഇന്ത്യ പ്ലെയിംഗ് ഇലവന്: രോഹിത് ശര്മ (ക്യാപ്റ്റന്), ശുഭ്മാന് ഗില്, വിരാട് കോഹ്ലി, കെഎല് രാഹുല് (വിക്കറ്റ് കീപ്പര്), ഇഷാന് കിഷന്, ഹാര്ദിക് പാണ്ഡ്യ, രവീന്ദ്ര ജഡേജ, വാഷിംഗ്ടണ് സുന്ദര്, ജസ്പ്രീത് ബുംറ, കുല്ദീപ് യാദവ്, മുഹമ്മദ് സിറാജ്.
