കറാച്ചി: മിസ്് യൂണിവേഴ്സ് മത്സരത്തിനായി ഒരുങ്ങുന്ന പാകിസ്താനി സുന്ദരി എറിക്കാ റോബിന് സ്വന്തം രാജ്യത്ത് നിന്നും രൂക്ഷ വിമര്ശനം. ഈ വര്ഷം അവസാനം മാലദ്വീപില് നടക്കുന്ന മത്സരത്തില് പങ്കെടുക്കാനിരിക്കുന്ന മിസ് യൂണിവേഴ്സ് പാകിസ്താനെ മത, രാഷ്ട്രീയ നേതാക്കള് ചേര്ന്ന് രൂക്ഷമായി വിമര്ശിക്കുകയാണ്. വിശ്വസുന്ദരി മത്സരത്തില് പങ്കെടുക്കുന്നതിന് റോബിനെ വിമര്ശിക്കുന്നവരില് പാകിസ്താനിലെ കെയര്ടേക്കര് പ്രധാനമന്ത്രി അന്വര് ഉള് കക്കര് വരെയുണ്ട്.
കഴിഞ്ഞ വ്യാഴാഴ്ച ഹിരാ ഇനാം, ജസീക്കാ വില്സണ്, മലൈക ആല്വി, സബ്രീനാ വാസീം എന്നിവരെ മറികടന്നാണ് എറീകാ റോബിന് കിരീടം നേടിയത്. നവംബറില് എല് സാല്വദോറില് നടക്കാന് പോകുന്ന മിസ് യൂണിവേഴ്സ് മത്സരത്തില് റോബിന് മത്സരിക്കുന്നതിന് എതിരേ രൂക്ഷ വിമര്ശനമാണ് നാട്ടില് നിന്നും ഉയരുന്നത്. പാകിസ്താനിലെ യാഥാസ്ഥിതികരായ മതവാദികള് പറയുന്നത് മത്സരത്തില് റോബിന് പങ്കെടുക്കാന് പോകുന്നത് പാകിസ്താന് തന്നെ അപമാനമാണെന്നാണ്. പരിപാടി സംഘടിച്ചവര്ക്കെതിരേ നടപടി എടുക്കണമെന്നും റോബിനെ പരിപാടിയില് പാകിസ്താന് പ്രതിനിധിയായി മത്സരിക്കുന്നതില് നിന്നും തടയണമെന്നും ഇസ്ളാമിക മത പണ്ഡിതരും ആവശ്യപ്പെടുന്നു. ആരാണ് പാകിസ്താനില് പരിപാടി നടത്തിയതെന്നും ആരാണ് ഈ നാണംകെട്ട പരിപാടി ചെയ്തതെന്നുമായിരുന്നു രാഷ്ട്രീയക്കാരന് മുഷ്താഖ് അഹമ്മദ് ഖാന് ചോദിച്ചത്.
രാജ്യത്തിന്റെ അനുവാദമില്ലാതെ രാജ്യത്തിന്റെ പേര് ഉപയോഗിച്ചതിനും പരിപാടി നടത്തിയതിനും സംഘാടകര്ക്ക് എതിരേ അന്വേഷണം പ്രഖ്യാപിച്ചിരിക്കുകയാണ് പ്രധാനമന്ത്രി അന്വര് ഉള് ഹക്ക്. പാകിസ്താന്റെ അപമാനമെന്നും പാക് വനിതകളെ ചൂഷണം ചെയ്തെന്നും റോബിനെ ആക്ഷേപിക്കുകയും ചെയ്തു. അതേസമയം ഈ വിജയം അനേകം ഉത്തരവാദിത്വമാണ് തന്റെ തോളിലേക്ക് വെച്ചിരിക്കുന്നതെന്നും ആദ്യമായി പാകിസ്താനെ വിശ്വസുന്ദരി വേദിയില് പ്രതിനിധീകരിക്കുന്നത് വലിയ ദൗത്യാേണെന്നുമായിരുന്നു റോബിന്റെ പ്രതികരണം. എന്നാല് രാജ്യത്തിന്റെ സല്പ്പേരിന് കളങ്കം വരുത്തുന്ന ഒരു പരിപാടിയും തന്നില് നിന്നും ഉണ്ടാകില്ലെന്നും റോബിന് പറഞ്ഞു. ക്രിസ്തുമത വിശ്വാസിയാണ് റോബിന്.
