കോഴിക്കോട്: ഭൂപരിധി ലംഘിച്ചുകൊണ്ട് പി.വി. അന്വര് എം.എല്.എ. കൈവശംവച്ചിട്ടുള്ള 6.25 ഏക്കര് ഭൂമി തിരിച്ച് പിടിക്കാന് താമരശ്ശേരി താലൂക്ക് ലാന്ഡ് ബോര്ഡ് ഉത്തരവിട്ടു. ഒരാഴ്ചയ്ക്കകം നടപടി പൂര്ത്തിയാക്കണം.
മിച്ചഭൂമി കേസില് ലാന്ഡ് ബോര്ഡിനെ തെറ്റിദ്ധരിപ്പിക്കാന് പി.വി. അന്വര് വ്യാജരേഖ ചമച്ചെന്ന ഓതൈറസ്ഡ് ഓഫീസറുടെ റിപ്പോര്ട്ട് നേരത്തെ പുറത്തു വന്നിരുന്നു. അന്വറും ഭാര്യയും ചേര്ന്ന് പീവിയാര് എന്റര്ടെയ്ന്മെന്റ് എന്ന പേരില് പങ്കാളിത്ത സ്ഥാപനം തുടങ്ങിയത് ഭൂപരിഷ്കരണ നിയമം മറികടക്കാന് വേണ്ടിയാണെന്നാണ് റിപ്പോര്ട്ടില് പറയുന്നത്.
അന്വറിന്റെ പക്കല് 15 ഏക്കറോളം മിച്ചഭൂമിയുണ്ടെന്നും ഈ ഭൂമി സര്ക്കാരിന് വിട്ടുനല്കാന് നിര്ദേശം നല്കാവുന്നതാണെന്നും ഓതൈറസഡ് ഓഫീസര് താലൂക്ക് ലാന്ഡ് ബോര്ഡിന് സമര്പ്പിച്ച റിപ്പോര്ട്ടില് പറയുന്നു.
ഭൂപരിഷ്കരണ നിയമം മറികടക്കാനായി പങ്കാളിത്ത നിയമവും സ്റ്റാമ്പ് നിയമവും അന്വറും കുടുംബവും ലംഘിച്ചുവെന്നാണു റിപ്പോര്ട്ട്.ഇതിനെത്തുടര്ന്നാണ് ഭൂമി തിരിച്ച് പിടിക്കാന് താമരശ്ശേരി താലൂക്ക് ലാന്ഡ് ബോര്ഡ് ഉത്തരവിട്ടത്.
