പ്രേതം എന്ന ഒറ്റ സിനിമ മാത്രം മതി ശ്രുതി രാമചന്ദ്രന് എന്ന അഭിനേത്രിയെ പ്രേക്ഷകര് ഓര്ത്തെടുക്കാന്. നുണക്കുഴി കവിളുകളും ആകര്ഷകമായ ചിരിയും മൂര്ച്ചയുള്ള നോട്ടവുമൊക്കെയാണ് ശ്രുതി എന്ന അഭിനേത്രിയെ വ്യത്യസ്തയാക്കുന്നത്. ഒരുപാട് സിനിമകളില് അഭിനയിക്കാറില്ലെങ്കിലും ശ്രുതി ബിഗ്സ്ക്രീനിലെത്തിക്കുന്ന ചിത്രങ്ങളെല്ലാം പ്രേക്ഷകര് ഏറ്റെടുക്കാറുണ്ട്. സോഷ്യല് മീഡിയയിലൂടെയും തന്റെ സാന്നിധ്യം ശ്രുതി എപ്പോഴും ആരാധകരുമായി പങ്കിടാറുണ്ട്. ഇപ്പോഴിതാ കൃത്യമായ പൊളിറ്റിക്കല് കറക്ടനെസോടുകൂടി വേണം സിനിമ സംസാരിക്കേണ്ടതെന്ന് പറയുകയാണ് താരം. ആളുകള് സിനിമ കാണുന്നത് എന്റര്ടെയ്ന്മെന്റിന് വേണ്ടി മാത്രമാണ് താന് കരുതുന്നില്ലെന്നും സിനിമ വളരെ ശക്തമായ മാധ്യമമാണെന്നും സിനിമയിലൂടെ നമ്മള് സമൂഹവുമായി എന്താണ് സംവദിക്കുന്നത് എന്നത് പ്രധാനമാണെന്നും ഓരോ സിനിമയും ചര്ച്ച ചെയ്യുന്ന വിഷയത്തിന് പ്രാധാന്യമുണ്ടെന്നും പ്രമുഖ മാധ്യമത്തിന് നല്കിയ അഭിമുഖത്തില് ശ്രുതി പറഞ്ഞു.
‘‘എന്റര്ടെയ്ന്മെന്റിന് വേണ്ടി മാത്രമാണ് മനുഷ്യര് സിനിമ കാണുന്നതെന്ന് ഞാന് കരുതുന്നില്ല. സിനിമ വളരെ ശക്തമായ മാധ്യമമാണ്. സിനിമയിലൂടെ നമ്മള് സമൂഹവുമായി എന്താണ് സംസാരിക്കുന്നതെന്നത് പ്രധാനമാണ്. ഓരോ സിനിമയും ചര്ച്ച ചെയ്യുന്ന വിഷയത്തിന് പ്രാധാന്യമുണ്ട്. കൃത്യമായ പൊളിറ്റിക്കല് കറക്ടനെസോടുകൂടിയാകണം സിനിമ സംസാരിക്കേണ്ടത്. സ്ത്രീ, ദളിത്, മനുഷ്യത്വ വിരുദ്ധമായ കാര്യങ്ങളെ ഒരിക്കലും ഒരു സിനിമയും ന്യായീകരിക്കരുത്.
സിനിമയില് വന്നതിന് ശേഷമാണ് എനിക്ക് നല്ല രീതിയില് ആളുകളെ മനസിലാക്കാന് സാധിച്ചത്. എന്നിലെ ദയയും കരുണയുമൊക്കെ വര്ധിച്ചു. ഓരോ ദിവസവും ഇന്നലത്തേതിനേക്കാള് കൂടുതല് നല്ല മനുഷ്യാനാകാണ് ശ്രമിക്കേണ്ടത്. നമ്മളിലുണ്ടാകുന്ന മാറ്റം നമ്മുടെ ജോലിയിലും പ്രതിഫലിക്കും എന്നാണ് എന്റെ വിശ്വാസം. കുറച്ചുകൂടി നല്ല വ്യക്തിയാകാന് സിനിമ എന്നെ സഹായിച്ചു എന്ന് തോന്നാറുണ്ട്.
ആര്ക്കിടെക്ചര് എന്നത് ചെറിയ ലോകമാണെന്ന് സിനിമയില് എത്തിയതിന് ശേഷം ഞാന് തിരിച്ചറിഞ്ഞു. സിനിമയില് വരുമ്പോള് ഒരുപാട് കഥകള് കേള്ക്കുന്നു, അത്ര തന്നെ ആള്ക്കാരുമായി ഇടപെടുന്നു, പരിചയപ്പെടുന്നു. അതൊക്കെ വളരെ മനോഹരമാണ്. എല്ലാദിവസവും ഒരുപോലെയല്ല എന്നതാണ് സിനിമയുടെ ഏറ്റവും വലിയ പ്രത്യേകത. എല്ലാം എന്നെ എക്സൈറ്റ് ചെയ്യിക്കുന്നുണ്ട്....’’ ശ്രുതി പറയുന്നു.
ഇന്ദ്രജിത്തിനൊപ്പമുള്ള ‘മാരിവില്ലിന് ഗോപുരങ്ങള്’ ആണ് ശ്രുതിയുടെ റിലീസ് കാത്തിരിക്കുന്ന സിനിമ. അരുണ് ബോസ് സംവിധാനം ചെയ്യുന്ന സിനിമയില് സര്ജാനോ ഖാലിദ്, വിന്സി അലോഷ്യസ് എന്നിവര് പ്രധാന കഥാപാത്രങ്ങളായി എത്തുന്നുണ്ട്. സിനിമയുടെ മോഷന് പോസ്റ്റര് കഴിഞ്ഞ ദിവസം റിലീസ് ചെയ്തിരുന്നു.
