മിനിസ്ക്രീനിലും ബിഗ് സ്ക്രീനിലുമായി സജീവമാണ് കണ്ണന് സാഗര്. കരിയറിലെയും ജീവിതത്തിലെയും വിശേഷങ്ങള് സോഷ്യല്മീഡിയയിലൂടെ പങ്കിടാറുണ്ട് അദ്ദേഹം. മകന്റെ പിറന്നാള് ദിനത്തില് പങ്കിട്ട ആശംസ പോസ്റ്റ് ശ്രദ്ധേയമായിക്കൊണ്ടിരിക്കുകയാണ്.
ചെങ്ങന്നൂരിൽ ഒരു ഹോസ്പിറ്റലിൽ ഭാര്യയെ വയറു വേദനയെ തുടർന്നു പ്രസവമുറിയിൽ കയറ്റി കുറേ നേരം കാത്തു, ഞാനാണേൽ പരവശനായി ചുമ്മാ വിയർത്തു, കൂടെകൂടെ നഖം കടിച്ചു ഇരിക്ക പൊറുതിമുട്ടി, നിപ്പും നടപ്പും ഇരിപ്പുമായി സ്വന്തം മുടി വെറുതേ കൈകൊണ്ടു ഇരുത്തി തിരുമി, ആഹാരമോ വെള്ളമോ വേണ്ടവിധം കഴിക്കാതെ, പ്രസവമുറിയുടെ വാതിൽ തുറന്നു വരുന്ന നഴ്സിനെ ആകാംഷയോടെ നോക്കി, മറ്റൊരാളുടെ പേര് പറയുമ്പോൾ അന്വേഷണം നടത്തുമ്പോൾ നിരാശയും പറഞ്ഞു അറിയിക്കാൻ പറ്റാത്ത ഒരുതരം ടെഗ്ഷനും, ഭാര്യയുടെ കാര്യത്തിൽ സങ്കടവും, ദൈവമേ രണ്ടും രണ്ട് പാത്രമായി കിട്ടണേ ആപത്തുകൾ കൂടാതെ കാക്കണേയെന്ന പ്രാർത്ഥനയും കൊണ്ട് പൊറുതി മുട്ടിയിരിക്കുമ്പോഴാണ് ഡോക്ടർ വന്നു പറഞ്ഞത്, ഭാര്യക്ക് അൽപ്പം സീരിയസ് ആണ് തിരുവല്ലാ പുഷ്പഗിരി ആശുപത്രിയിലേക്ക് കൊണ്ടുപോകാൻ,
ആകെ തളർന്നുപോയി പിന്നെ ഭാര്യയുടെ ആങ്ങളമാരും ഞാനും ഒരു വണ്ടിക്കായി ഓട്ടമാണ്, ഭാഗ്യം വണ്ടികിട്ടി നേരെ വെച്ചുപിടിച്ചു ആശുപത്രി ലക്ഷ്യമായി, കൊണ്ടുചെന്നപാടെ പ്രസവമുറിയിലേക്ക് കയറ്റി, വേണ്ട പേപ്പറുകൾ ഒപ്പിട്ടു കൊടുക്കണം ഓപ്പറേഷൻ വേണം കുട്ടിയെ പുറത്തെടുക്കാൻ, എന്റെ കണ്ണുകൾ നിറയുന്നു, ഒപ്പിട്ടു നീണ്ട കാത്തിരിപ്പുകൾ, ആ ദിനത്തിൽ ഏകദേശം രാത്രി രണ്ട് അഞ്ചോടെ നേഴ്സ് കുറച്ചു തുണിയിൽ പൊതിഞ്ഞു കണ്ണുകൾ തുറക്കാത്ത കൈകൾ ഇറുക്കി പിടിച്ചു ഒരു കുഞ്ഞാവയേ കൊണ്ടു കാണിച്ചു ഗീതയുടെ കുഞ്ഞാണ് (എന്റെ ഭാര്യയുടെ പേരാ) നല്ലത്തൂക്കമുള്ള ഒരാൺകുഞ്ഞ്, ഞാൻ കയ്യിൽ എടുത്തതും ഒറ്റ കരച്ചിലാ, സന്തോഷംകൊണ്ട് ഞാൻ ചിരിച്ചുപോയി, അത്രയും നേരം എനിക്കുണ്ടായ സർവ്വടെൻഷനും എങ്ങോട്ട് പോയി എന്നറിയില്ല, അങ്ങനെ ഞാനൊരു അച്ഛനായി, എന്റെ ആദ്യത്തേ കണ്മണി പിറന്നു,..
ദേ ഈ ഫോട്ടോയിൽ നിൽക്കുന്ന മുതലാണ് അത്, പ്രവീൺ കണ്ണൻ,എന്റെ മകന്റെ പിറന്നാളാണ് ആയുരാരോഗ്യ സൗഖ്യമായി ഇരിക്കുവാൻ പ്രാർത്ഥനകൾ നേരുന്നു, പ്രിയപ്പെട്ടവരുടേയും അനുഗ്രഹം ഉണ്ടാവണം, സൗഭാഗ്യമാണ് ഞങ്ങളുടെ മക്കൾ, പ്രവീൺ കണ്ണനും, മീനാക്ഷി കണ്ണനും...
ഭാര്യ പറഞ്ഞിരുന്നു ഒന്നും എഴുതാതെ ഫോട്ടോയിട്ടൊരു ആശംസ അത് മതിയെന്ന്, എല്ലാ അച്ഛന്മാർക്കുമുള്ള ഒരു ടെഗ്ഷൻ എനിക്കും ഉണ്ടായി, മക്കളും വായിച്ച് അറിയട്ടെ എന്തിന് മൂടിവെക്കപ്പെടണം ഒന്ന് പങ്കുവെച്ച്പൊന്നുകുട്ടന് ജന്മദിനാശംസകൾ നേരുന്നു.. കണ്ണന് സാഗര് കുറിച്ചു.
