കൊച്ചി: കേരളത്തിനെ ഞെട്ടിച്ച കളമശ്ശേരി ബോംബ് സ്ഫോടനം നടന്നട്ട് ഇന്ന് ഒരാഴ്ച്ച പിന്നിടുമ്പോള് 26 പേരാണ് ചികിത്സയിലുള്ളത്. 10 പേര് ഐസിയുവില് ചികിത്സയിലാണ്. രണ്ട് പേരുടെ നില ഗുരുതരമായി തന്നെ തുടരുകയാണെന്നാണ് മെഡിക്കല് ബുള്ളറ്റിന് പറയുന്നത്.
സ്ഫോടനത്തില് മൂന്ന് പേരാണ് കൊല്ലപ്പെട്ടത്.
മലയാറ്റൂര് സ്വദേശി ലിബിന (12), എറണാകുളം കുറുപ്പുംപടി സ്വദേശി ലയോണ പൗലോസ് (60), തൊടുപുഴ സ്വദേശിയായ കുമാരി (53) എന്നിവരാണ് കൊല്ലപ്പെട്ടത്. ഡൊമിനിക് മാര്ട്ടിനെ മാത്രമാണ് കേസില് പ്രതി ചേര്ത്തത്.അതേ സമയം മാര്ട്ടിന്റെ കോടതി അപേക്ഷ നാളെ കോടതി പരിഗണിക്കും. 10 ദിവസം പ്രതിയെ കസ്റ്റഡിയില് വേണമെന്നാണ് പോലീസ് ആവശ്യപ്പെട്ടത്. ബോംബ് നിര്മാണത്തില് കൂടുതല് സഹായമുണ്ടോ എന്ന് പരിശോധിക്കും. ഡൊമിനിക് മാര്ട്ടിന്റെ വിദേശ ബന്ധങ്ങളും പൊലീസ് പരിശോധിക്കും.
കൊച്ചിയുടെ സുരക്ഷ വര്ധിപ്പിക്കാന് പൊലീസ് കാര്യമായൊന്നും ചെയ്തിട്ടില്ലെന്ന് ആരോപണമുണ്ട്. സേനയിലെ അംഗബലം കൂട്ടാതെ ഒന്നും നടക്കില്ലെന്നാണ് പൊലീസുകാര് ചൂണ്ടിക്കാട്ടുന്നത്. കൊച്ചി കമ്മീഷണറേറ്റിലെ 30 പൊലീസ് സ്റ്റേഷനുകളിലായി ആകെയുള്ളത് 2000ത്തോളം പൊലീസുകാര് മാത്രമാണ് സുരക്ഷയൊരുക്കാനുള്ളത്.
