തെന്നിന്ത്യ മുഴുവന് അറിയപ്പെടുന്ന അഭിനേത്രിയാണ് മീന. തൊണ്ണൂറുകളില് തുടക്കം കുറിച്ച് അന്നു മുതല് ഇന്നു വരെ തമിഴ്, തെലുങ്ക്, മലയാളം സിനിമകളിലെ മുൻനിര നായികമാരില് ഒരാളായി മീന നിലനില്ക്കുന്നുണ്ട്. തമിഴകത്താണ് മീന കൂടുതല് സിനിമകള് ചെയ്തിട്ടുള്ളതെങ്കിലും മലയാള സിനിമാപ്രേക്ഷകര്ക്ക് മീന എന്നും സ്വന്തം വീട്ടിലെ കുട്ടിയാണ്. ബാലതാരമായി കരിയര് ആരംഭിച്ച മീന നായികയായി രണ്ടാം വരവ് നടത്തിയപ്പോഴും സൂപ്പര് താരങ്ങള്ക്കൊപ്പമെല്ലാം അഭിനയിക്കാൻ സാധിച്ചു. നായികയായി തിളങ്ങി നില്ക്കുമ്പോഴാണ് മീന വിദ്യാ സാഗറുമായുള്ള വിവാഹം. ഇവര്ക്ക് നൈനിക എന്നൊരു മകള് കൂടിയുണ്ട്. മീനയുടെ വഴിയെ മകള് നൈനികയും തെറി എന്ന സിനിമയിലൂടെ ബാലതാരമായി അഭിനയത്തില് അരങ്ങേറിയിരുന്നു. അടുത്തിടെയാണ് മീനയുടെ ഭര്ത്താവ് വിദ്യാസാഗര് മരണപ്പെട്ടത്. ഭര്ത്താവിന്റെ വേര്പാടിനു ശേഷം മീന ജീവിതത്തിലേക്ക് തിരികെ വന്നത് മകളുടെയും ബന്ധുക്കളുടെയും സുഹൃത്തുക്കളുടെയും സഹായത്തോടെയാണ്.
ഭര്ത്താവിന്റെ മരണം വരുത്തിവെച്ച ദുരന്തത്തില് നിന്ന് കരകയറാൻ മീനയുടെ സുഹൃത്തുക്കളാണ് ഏറ്റവും കൂടുതല് സഹായിച്ചത്. എങ്കിലും അമ്മ എപ്പോഴും തന്റെ അച്ഛനില്ലാത്തതിന്റെ വിഷമം അനുഭവിക്കുന്നുണ്ടെന്നാണ് മകള് നൈനിക പറയാറുള്ളത്. പതിയെ പതിയെ കരിയറിലേക്കും തന്റെ തിരക്കുകളേക്കും തിരിച്ചെത്തിയിരിയ്ക്കുകയാണ്. സോഷ്യല് മീഡിയയിലും സജീവമായ താരം തന്റെ പുതിയ വിശേഷങ്ങളും സന്തോഷങ്ങളും എല്ലാം ഇന്സ്റ്റഗ്രാമിലൂടെ പങ്കുവെയ്ക്കാറുണ്ട്. ഇപ്പോഴിതാ മീന പങ്കിട്ട ഏറ്റവും പുതിയ വീഡിയോയാണ് ശ്രദ്ധിക്കപ്പെടുന്നത്. ‘‘എന്നോടൊപ്പം ടൈം മെഷീനിലേക്ക് കടക്കുക! ഓർമ്മകളുടെ ഈ ഗൃഹാതുരമായ റോളർകോസ്റ്ററിൽ 90-കളിലെ പ്രകമ്പനങ്ങളിലേക്ക് തിരികെ യാത്ര ചെയ്യുക...’’ എന്ന ക്യാപ്ഷനും നല്കിയാണ് മീനയുടെ വീഡിയോ. ചുവന്ന ടോട്ടഡ് ചുരിദാറില് അതിസുന്ദരിയായിട്ടാണ് മീനയെ വീഡിയോയില് കാണാനാവുക. വെള്ളിത്തിരയിലെ തന്റെ തുടക്കക്കാലത്തെ ഓര്മ്മകളിലൂടെ ചിരിച്ചും നാണിച്ചും പുസ്തകം വായിച്ചും ചിന്തകളില് മുഴുകിയുമൊക്കെയാണ് താരം വീഡിയോയില് നിറഞ്ഞു നില്ക്കുന്നത്. തങ്ങളുടെ സ്വന്തം താരം തിരികെ മടങ്ങി വന്നതിന്റെ സന്തോഷമാണ് പല ആരാധകരും കമന്റുകളിലൂടെ പങ്കിടുന്നത്.
