ദുഷ്ടശക്തികളില് മോചിപ്പിക്കുമെന്ന് പറഞ്ഞ് സ്ത്രീയെ ഭീഷണിപ്പെടുത്തി മതം മാറ്റിയതായി മതനേതാവിനെതിരെ യുവതിയുടെ മകന്റെ പരാതി. മൗലവി സര്ഫറാസ് മകനായ അക്ഷയ് ശ്രീവാസ്തവ നല്കിയ പരാതിയില് അറസ്റ്റിലായി. 2017 മുതല് തന്റെ അമ്മയായ മീനുവിനെ മാനസികവും ശാരീരകവുമായ നിരവധി പ്രശ്നങ്ങള് നേരിടുന്നുണ്ടെന്നും അതിനെ തുടര്ന്ന് ചിലരുടെ ഉപദേശമനുസരിച്ച് മൗലവിയുടെ സഹായം തേടിയതായും മകന് പോലീസിനോട് പറഞ്ഞു.
മൗലവിയുടെ നിര്ദേശം അനുസരിച്ച് മീനു തന്റെ വീട്ടിലുള്ള ഹിന്ദു ദേവതകളുടെ ചിത്രങ്ങള് നീക്കം ചെയ്തുവെന്നും മറ്റ് കുടുംബാംഗങ്ങളെ ഇസ്ലാം മതം സ്വീകരിക്കാനായി സമ്മര്ദം ചെലത്തുകയും ചെയ്തുവെന്നാണ് അദ്ദേഹം പറയുന്നത്. മൗലവിയെ മോര്ട്ടി ഗ്രാമത്തില് നിന്നാണ് അറസ്റ്റ് ചെയ്തതെന്ന്എസിപി നന്ദഗ്രാം രവി കുമാര് സിംഗ് പറഞ്ഞു.
പോലീസ് നടത്തിയ ചോദ്യം ചെയ്യലില് കഴിഞ്ഞ എട്ട് വര്ഷങ്ങളായി പ്രദേശത്ത് മന്ത്രവാദവും പ്രേതോച്ഛാടനവും നടത്തുന്നതായും പ്രേതങ്ങളെ ഭയപ്പെടുന്നവരെ ഇസ്ലാം മതം സ്വീകരിക്കാന് നിര്ബന്ധിച്ചതായും സര്ഫ്രസ് പറഞ്ഞു. ഇയാള്ക്കെതിരെ ഉത്തര്പ്രദേശിലെ മതപരിവര്ത്തന നിരോധന നിയമം, ഡ്രഗ്സ് ആന്റ് മാജിക് റെമഡീസ് ആക്ട് എന്നീ വകുപ്പുകള് പ്രകാരമാണ് കേസെടുത്തിരിക്കുന്നത്.
