കവിതയിലൂടെ ഉത്തര കൊറിയയയെ പ്രശംസിക്കുകയും ഐക്യത്തിന് വേണ്ടി സംസാരിക്കുകയും ചെയ്ത 68 കാരനെ 14 വര്ഷത്തെ കഠിന തടവിന് വിധിച്ച് ദക്ഷിണ കൊറിയന് കോടതി. 2016 ല് ആണ് കോടതി ഇടപെടലിന് കാരണമായ കവിത ഉത്തര കൊറിയന് സ്റ്റേറ്റ് മീഡിയയില് പ്രസിദ്ധീകരിച്ചത്. ദക്ഷിണ കൊറിയന് മാധ്യമങ്ങള് റിപ്പോര്ട്ട് ചെയ്യുന്നതനുരിച്ച് ലീ യൂന് സിയോപ്പ് എന്നയാള് കവിതയില് ഇരുകൊറിയകളുടെയും ഐക്യത്തിനായി വാദിച്ചു എന്നാണ്. പ്യോങ്യാങ്ങിന്റെ സോഷ്യലിസ്റ്റ് സമ്പ്രദായത്തിന് കീഴില് രണ്ട് കൊറിയകളും ഒന്നിച്ചാല് ആളുകള്ക്ക് സൗജന്യ വീടുകളും ആരോഗ്യ പരിരക്ഷയും വിദ്യാഭ്യാസവും ലഭിക്കുമെന്ന് അദ്ദേഹം എഴുതിയെന്നാണ് പുറത്തുവരുന്ന വിവരം.
ഉത്തര കൊറിയയെ പരസ്യമായി പുകഴ്ത്തുന്നതിന് നിയമപ്രാകരം ദക്ഷിണ കൊറിയയില് വിലക്കുണ്ട്. ഈ നിയമപ്രകാരമാണ് ഇയാള്ക്ക് ശിക്ഷ വിധിച്ചതെന്നാണ് ബിബിസി റിപ്പോര്ട്ട് ചെയ്യുന്നത്. 2016 നവംബറില് ഉത്തര കൊറിയയില് നടന്ന കവിതാരചന മത്സരത്തില് വിജയിച്ചവരില് ഒരാളായിരുന്നു കവിയായാ ലീ. 'ഏകീകരണത്തിന്റെ മാര്ഗങ്ങള്' (Means of Unification) എന്ന തലക്കെട്ടില്, ഒരു ഐക്യ കൊറിയയില്, കുറച്ച് ആളുകള് സ്വന്തം ജീവന് എടുക്കുകയോ കടക്കെണിയില് ജീവിക്കുകയോ ചെയ്യുമെന്നും ലീ എഴുതി. ഇതിന് മുന്പും മറ്റൊരു കുറ്റത്തിന് 10 മാസത്തോളം ജയിലില് കഴിഞ്ഞിട്ടുണ്ടെന്നാണ് മാധ്യമങ്ങള് റിപ്പോര്ട്ട് ചെയ്യുന്നത്. 'ഉത്തര കൊറിയയെ മഹത്വപ്പെടുത്തുകയും പ്രശംസിക്കുകയും ചെയ്യുന്ന ലീ, വലിയ രീതിയില് ഇതിന് വേണ്ടി പ്രചരണം നടത്തുകയും പ്രചരിപ്പിക്കുകയും ചെയ്യുന്നത് തുടരുകയാണെന്ന്' സിയോള് കോടതി നിരീക്ഷിച്ചതായി കൊറിയ ഹെറാള്ഡ് റിപ്പോര്ട്ട് ചെയ്തു.
2013-ല് ഉത്തര കൊറിയയുടെ സൈന്യത്തെ പുകഴ്ത്തി അദ്ദേഹം ഓണ്ലൈനില് അഭിപ്രായങ്ങള് പോസ്റ്റ് ചെയ്തിരുന്നു, തുടര്ന്നുള്ള വര്ഷങ്ങളില് ദക്ഷിണ കൊറിയന് ബ്ലോഗുകളിലും വെബ്സൈറ്റുകളിലും ഇദ്ദേഹം രാജ്യവിരുദ്ധ ഉള്ളടക്കങ്ങള് പങ്കുവച്ചിരുന്നെന്നും റിപ്പോര്ട്ടില് പറയുന്നു. ദക്ഷിണ കൊറിയയുടെ ദേശീയ സുരക്ഷാ നിയമ പ്രകാരം, സര്ക്കാര് വിരുദ്ധ സംഘടനകളെ പ്രശംസിക്കുന്നതും പ്രോത്സാഹിപ്പിക്കുന്നതും നിയമവിരുദ്ധമാണ്.
