മലപ്പുറം: ‘‘ലൈഫ്’’ വീടിനു വിധവയായ ഗുണഭോക്താവില്നിന്നു കൈക്കൂലി വാങ്ങുന്നതിനിെട വി.ഇ.ഒ. വിജിലന്സിന്റെ പിടിയില്. വഴിക്കടവ് ഗ്രാമപഞ്ചായത്ത് വില്ലേജ് എക്സ്റ്റന്ഷന് ഓഫീസര് ചുങ്കത്തറ കോട്ടേപ്പാടം അമ്പക്കാടന് നിജാസി(38)നെയാണ് മലപ്പുറം വിജിലന്സ് ഡിെവെ.എസ്.പി: ഫിറോസ് എം. ഷെഫീഖും സംഘവും അറസ്റ്റ് ചെയ്തത്.
വഴിക്കടവ് കോരന്കുന്നിലെ നടുത്തൊടി സുനിതയില്നിന്നു പതിനായിരം രൂപ െകെക്കൂലി വാങ്ങുന്നതിനിടെയാണ് അറസ്റ്റ് ചെയ്തതെന്നു വിജിലന്സ് അറിയിച്ചു. ഇന്നലെ ഉച്ചയോടെയാണ് സംഭവം. സുനിതയ്ക്ക് ലൈഫ് മിഷന് പദ്ധതിയിലൂടെ വീടു നിര്മിക്കുന്നതിന് ഭൂമി അനുവദിച്ച് കിട്ടിയിരുന്നു. ഗ്രാമപഞ്ചായത്ത് ഈ ഭൂമിയില് വീട് അനുവദിക്കുകയും ചെയ്തു.
വീടിനുള്ള എഗ്രിമെന്റ് വച്ച ശേഷം ഭൂമി സന്ദര്ശിക്കാനെത്തിയ വില്ലേജ് എക്സ്റ്റന്ഷന് ഓഫീസര് ആദ്യം സുനിതയോട് ഇരുപതിനായിരം രൂപ ആവശ്യപ്പെട്ടെന്നാണു പരാതി. വീട് നിര്മാണം തുടങ്ങിയതിനെത്തുടര്ന്ന് ആദ്യഗഡുവായി നാല്പതിനായിരം രൂപ കഴിഞ്ഞ ദിവസം സുനിതയ്ക്ക് ലഭിച്ചു. ഇതറിഞ്ഞ നിജാസ് വീണ്ടും ഇവരെ വിളിച്ച് ഇരുപതിനായിരത്തിന്റെ പകുതി നല്കാന് ആവശ്യപ്പെട്ടു. എന്നാല് ആദ്യഗഡുവായി ലഭിച്ച പണം സുനിത വീട് നിര്മാണം നടത്തുന്ന കരറുകാരന് നല്കി.
വി.ഇ.ഒ. നിരന്തരമായി പണം ആവശ്യപ്പെട്ടതിനെത്തുടര്ന്നു സുനിത മറ്റൊരാളില്നിന്നു 10,000 രൂപ വാങ്ങി നല്കുകയായിരുന്നു. സുനിതയ്ക്കു പണം നല്കിയ ആള് എന്താവശ്യത്തിനാണ് പണമെന്നു അന്വേഷിക്കുകയും െകെക്കൂലി നല്കാനാണെന്നു അറിഞ്ഞതിനെത്തുടര്ന്ന് വിജിലന്സില് അറിയിക്കുകയുമായിരുന്നു. ഇന്നലെ ഓഫീസില്വച്ച് പണം െകെമാറുന്നതിനിടയില് നിജാസ് വിജിലന്സ് സംഘത്തിന്റെ പിടിയിലാകുകയായിരുന്നു.
