നെന്മാറ: 10 രൂപ നല്കി ബാക്കി 240 രൂപ കടം പറഞ്ഞു വാങ്ങിയ ലോട്ടറികളിലൊന്നില് ഭാഗ്യം വിരുന്നെത്തി. അയിലൂര് തിരുവഴിയാട് ചിറപ്പുറം വീട്ടില് സുെലെമാന്റെ മകന് മജീദിന് സംസ്ഥാന ഭാഗ്യക്കുറിയുടെ ഒന്നാം സമ്മാനമായ ഒരു കോടി രൂപ അടിച്ചു.
മീന് വില്പ്പനക്കാരനായ മജീദ് പതിവുപോലെ വില്പനയ്ക്കു പോകുന്നതിനു മുമ്പ് 10 രൂപ അഡ്വാന്സ് നല്കി കേരള ഭാഗ്യക്കുറിയുടെ ഒരേ നമ്പറിലുള്ള അഞ്ച് ഫിഫ്റ്റി ഫിഫ്റ്റി ടിക്കറ്റുകളാണ് വാങ്ങിയത്. അതും മീന് വില്പന കഴിഞ്ഞ് മടങ്ങുമ്പോള് ബാക്കി 240 രൂപ നല്കാമെന്ന ധാരണയില്. കരിങ്കുളത്തെ ആര്. ചെന്താമരയില്നിന്ന് വാങ്ങിയ എഫ്.എക്സ് 492775 നമ്പറിലുള്ള ടിക്കറ്റിന് ഒന്നാം സമ്മാനവും ഇതോടൊപ്പം എടുത്ത ഇതേ നമ്പറിലുള്ള മറ്റു നാലു ടിക്കറ്റുകള്ക്ക് 8000 രൂപ വീതം സമാശ്വാസ സമ്മാനവും മജീദിനെ തേടിയെത്തുകയായിരുന്നു.
നാലു വര്ഷമായി മീന് കച്ചവടം നടത്തുന്ന മജീദ് ലോട്ടറി എടുത്തു തുടങ്ങിയിട്ട് വര്ഷം 20 ആയി. ഇതാദ്യമാണ് വലിയ തുക സമ്മാനമായി ലഭിക്കുന്നത്. സമ്മാനത്തുക എന്ത് ചെയ്യുമെന്ന് തീരുമാനിച്ചിട്ടില്ല. കഴിഞ്ഞ ദിവസം വൈകിട്ട് നെന്മാറയിലുള്ള ലോട്ടറി ഏജന്സിക്കാര് വിളിച്ചു പറഞ്ഞപ്പോഴാണ് സമ്മാനവിവരം ചെന്താമരയും മജീദും അറിയുന്നതുതന്നെ. മജീദിന്റെ ഭാര്യ: ലൈല. മക്കള്: വിദ്യാര്ഥികളായ ജെസീന, റിയാസ്, ജംസീന.
