ആഗ്രയിലെത്തിയ മലയാളി കോവിഡ് വകഭേദം ജെഎന്.1 സ്ഥിരീകരിച്ചതോടെ മൊബൈല് ഫോണ് ഓഫാക്കി കടന്നുകളഞ്ഞതായി ആരോപണം. മലയാളിക്ക് ആഗ്ര കന്റോണ്മെന്റ് റെയില്വേ സ്റ്റേഷനില് നടത്തിയ റാപ്പിഡ് ആന്റിജന് ടെസ്റ്റിലാണ് രോഗബാധ സ്ഥിരീകരിച്ചത്.
എന്നാല് ഇതിന് പിന്നാലെ ഇയാള് ഫോണ് ഓഫാക്കി ഇവിടെ നിന്ന് മുങ്ങുകയായിരുന്നു. ശേഷം രാജസ്ഥാനിലെ ധോല്പൂരില് വച്ച് ഫോണ് ഓണാക്കി.
ഇയാള് തിരക്കേറിയ സ്ഥലത്ത് ചുറ്റിത്തിരിഞ്ഞതിലും യാത്ര ചെയ്തതിലും ആശങ്കയുണ്ടെന്ന് ആഗ്ര ടൂറിസ്റ്റ് വെല്ഫെയര് ചേംബര് പ്രസിഡന്റ് പ്രഹ്ലാദ് അഗര്വാള് പറഞ്ഞു. മറ്റ് ടൂറിസ്റ്റ് കേന്ദ്രങ്ങളിലും താജ്മഹല് പോലുള്ള തിരക്കേറിയ സ്ഥലങ്ങളിലും രോഗ വ്യാപനം തടയാന് കൊവിഡ് 19 പ്രോട്ടോക്കോളുകള് പുനഃസ്ഥാപിക്കണമെന്നും പ്രഹ്ലാദ് അഗര്വാള് ആവശ്യപ്പെട്ടു.
