തിരുവനന്തപുരം: ഡോക്ടറുടെ കുറിപ്പടി ഇല്ലാതെ മെഡിക്കല് ഷോപ്പുകാര് മരുന്ന് കൊടുക്കരുതെന്ന് ആഭ്യന്തരമന്ത്രി രമേശ് ചെന്നിത്തല. ഗുരുതരമായ രോഗങ്ങള്ക്കുള്ള മരുന്നുകള് ലഹരിക്ക് പകരം ഉപയോഗിക്കുന്ന സാഹചര്യത്തിലാണ് നിര്ദേശം. ഓപ്പറേഷന് തൂഫാന്റെ ഭാഗമായിട്ടാണ് നിര്മദശം.
ചില മെഡിക്കല് ഷോപ്പുകളില് ഡോക്ടര്മാരുടെ പ്രിസ്ക്രിപ്ഷനില്ലാതെ ഗുരുതരമായ രോഗങ്ങള്ക്കുള്ള മരുന്നുകള് കൊടുത്ത് അത് ലഹരിക്ക് പകരം ഉപയോഗിക്കുന്നതായി ശ്രദ്ധയില് പെട്ടിട്ടുണ്ട്. മെഡിക്കല് ഷോപ്പുകാര് ആരെങ്കിലും ഇതില് ഉള്പ്പെട്ടിട്ടുണ്ടെങ്കില് പിന്വലിയണം. ഡോക്ടറുടെ കുറിപ്പടി ഇല്ലാതെ മെഡിക്കല് ഷോപ്പുകാര് മരുന്ന് കൊടുക്കരുതെന്നും നടപടിയുണ്ടാകുമെന്നും അദ്ദേഹം പറഞ്ഞു.
മെഡിക്കല് ഷോപ്പിന്റെ മറവില് പലര്ക്കും ലഹരി ലഭിക്കുന്നതായും വിവരമുണ്ട്. അതിനാല് തന്നെ പരിശോധന കര്ശനമാക്കാന് തീരുമാനിച്ചിട്ടുണ്ട്. ഒരു കാര്യത്തിലും വിട്ടുവീഴ്ചയില്ലെന്ന് രമേശ് ചെന്നിത്തല പറഞ്ഞു. ഒരു കാരണവശാലും അത് അനുവദിക്കില്ല. പൊലീസ് അവരുടെ പിന്നാലെയുണ്ടാകുമെന്നും പറഞ്ഞു. പരിശോധനയ്ക്കിടെ, പൊലീസിന് നേരെയുള്ള ആക്രമണവും വെച്ചുപൊറുപ്പിക്കില്ലെന്നും പറഞ്ഞു.
