സിനിമകൾ കൂടാതെ അഭിമുഖങ്ങളിലൂടെ പ്രേക്ഷകർക്ക് പരിചിതമായ മുഖമാണ് നടി ഗായത്രി സുരേഷ്. അഭിമുഖങ്ങളുടെ ഭാഗമായി ട്രോളുകളിലും താരം നിറഞ്ഞുനിൽക്കാറുണ്ട്.
ഇപ്പോഴിതാ പ്രണവ് മോഹൻലാലിനെ കുറിച്ച് വീണ്ടും സംസാരിക്കുകയാണ് ഗായത്രി സുരേഷ്. ഒരു സമയത്ത് തന്റെ ഫോണിന്റെ വാൾപേപ്പർ പ്രണവ് മോഹൻലാൽ ആയിരുന്നെന്നും, ഇപ്പോൾ അത് മാറ്റിയെന്നും ഗായത്രി പറയുന്നു. കൂടാതെ ഒരു എലിജിബിള് ബാച്ചിലര് എന്ന നിലയില് തനിക്ക് ഇപ്പോഴും പ്രണവിനോട് ഇഷ്ടമുണ്ട് എന്നും ഗായത്രി പറയുന്നു.
‘ഇപ്പോള് എന്റെ വാള് പേപ്പര് പ്രണവല്ല. ഒരു എലിജിബിള് ബാച്ചിലര് എന്ന നിലയില് എനിക്ക് ഇപ്പോഴും പ്രണവിനോട് ഇഷ്ടമുണ്ട്. ഞാന് അദ്ദേഹത്തിന്റെ വലിയ ഒരു ആരാധികയാണ്.വളരെ സിനിമാറ്റിക് ആന്റ് ഡ്രാമറ്റിക്കായിട്ടുള്ള ആളാണ് ഞാന്. ഒരു അഭിമുഖത്തില് സെലിബ്രിറ്റി ക്രഷ് ആരാണെന്ന് ചോദിച്ചപ്പോള് പ്രണവ് മോഹന്ലാലിനോടാണെന്ന് ഞാന് പറഞ്ഞാല് മതിയായിരുന്നു. പക്ഷെ ഞാന് പറഞ്ഞത്… എന്റെ മനസില് ഒറ്റയാളേയുള്ളൂ അത് പ്രണവ് മോഹന്ലാലാണ് എന്നാണ്. അത് വൈറലായി.
പിന്നീടുള്ള അഭിമുഖങ്ങളിലെല്ലാം ഇതേ കുറിച്ച് ചോദ്യം വന്നപ്പോൾ ആ ചോദ്യത്തെ തടയുകപോലും ചെയ്യാതെ ഞാന് പറഞ്ഞുകൊണ്ടോയിരുന്നു. അതാണ് ആ ട്രോളും കൂടിയത്.
ഇരുപത്തിയൊന്നാം നൂറ്റാണ്ട് എന്ന സിനിമയുടെ ഷൂട്ടിങ് നടക്കുന്ന സമയത്ത് ഞാന് പ്രണവിനെ കാണാനായി പോയിരുന്നു. എല്ലാവരും പറയുന്നു പ്രണവ് ഇന്ട്രോവേര്ട്ടാണെന്ന്. എനിക്ക് അങ്ങനെ തോന്നിയില്ല. ഞാന് പോയി പ്രണവിനെ കണ്ടു. ഞാന് ഗായത്രി… താങ്കളെ കാണാന് വേണ്ടി മാത്രം വന്നതാണെന്ന് പറഞ്ഞപ്പോള് എനിക്ക് ഹാന്റ് ഷേക്ക് തന്നു പ്രണവ്. അപ്പോഴേക്കും ഷോട്ടിന്റെ സമയമായി അദ്ദേഹം പോയി. അത്രയേ ഉണ്ടായുള്ളൂ.’ എന്നാണ് ഒരു യൂട്യൂബ്ചാനലിന് നല്കിയ നൽകിയ അഭിമുഖത്തിൽ ഗായത്രി പറഞ്ഞത്.
