തേഞ്ഞിപ്പലം: കാലിക്കറ്റ് സര്വകലാശാല പരീക്ഷാഭവനില്നിന്ന് ഭിന്നശേഷി വിദ്യാര്ഥിയുടെ ഉത്തരക്കടലാസ് കാണാതായി. വീണ്ടും പരീക്ഷ എഴുതണമെന്നു സര്വകലാശാല. വെള്ളിമാടുകുന്നിലെ ജെ.ഡി.ടി. കോളജില് ബി.കോം ഫിനാന്സ് ആറാം സെമസ്റ്ററിനു പഠിക്കുന്ന വടകര സ്വദേശി മുനവര് പി. മഫാസിന്റെ ഉത്തരക്കടലാസാണു കാണാതായത്.
മൂന്നാം സെമസ്റ്റര് പരീക്ഷയുടെ ബിസിനസ് റഗുലേഷന് എന്ന പേപ്പര് കാണാതായതിനാല് വീണ്ടും പരീക്ഷയെഴുതണമെന്ന് സര്വകലാശാലാ അധികൃതര് മുനവറിനോടു നിര്ദ്ദേശിച്ചു. എന്നാല് തന്റേതായ കാരണംകൊണ്ടല്ല ഉത്തരക്കടലാസ് കാണാതായതെന്നും ഉത്തരവാദിത്വമേറ്റെടുത്ത് തന്നെ വിജയിപ്പിക്കണമെന്നും ഭിന്നശേഷിക്കാരനായ മുനവര് സര്വകലാശാലയോടാവശ്യപ്പെട്ടു. നിലപാടില് ഉറച്ചുനില്ക്കുന്ന വിദ്യാര്ഥി കോഴിക്കോട് ജില്ലാ കലക്ടര്ക്കും മനുഷ്യാവകാശ കമ്മിഷനും പരാതി നല്കുകയും ചെയ്തിട്ടുണ്ട്.
കഴിഞ്ഞ വര്ഷം ജനുവരിയില് നടത്തിയ ബി.കോം മൂന്നാം സെമസ്റ്റര് പരീക്ഷയുടെ ഫലം വന്നപ്പോള് അഞ്ചില് മുന്നു പേപ്പറുകള് ജയിച്ചതായാണ് മുനവര് െസെറ്റില് കണ്ടത്. പരീക്ഷാഭവനിലെത്തി അന്വേഷിച്ചതോടെ നാലാമതൊരു പേപ്പര് കൂടി പാസായി. ബിസിനസ് റെഗുലേഷന് എന്ന പേപ്പറിന്റെ ഉത്തരക്കടലാസ് നഷ്ടപ്പെട്ടതിനാല് സപ്ലിമെന്ററി പരീക്ഷ എഴുതാനും നിര്ദേശം കിട്ടി. എന്നാല് ഈ മാസം 16 നു നടന്ന സപ്ലിമെന്ററി പരീക്ഷ എഴുതാതെ നിയമപോരാട്ടത്തിനൊരുങ്ങുകയാണ് ഈ വിദ്യാര്ഥി.
സ്വന്തമായി എഴുതാന് കഴിയാത്തതിനാല് സ്ക്രൈബിന്റെ സഹായത്താലാണ് മുനവര് പരീക്ഷ എഴുതിയിരുന്നത്. സ്ക്രൈബിനെ വച്ച് എഴുതുന്നവരുടെ ഉത്തരക്കടലാസ് വേറെയാണ് സര്വകലാശാല പരീക്ഷാഭവനിലേക്ക് അയയ്ക്കാറുള്ളത്. മുനവറിന്റെ പേപ്പര് *31732 എന്ന കോഡുള്ള ചോദ്യപേപ്പറിനൊപ്പം ജെ.ഡി.ടിയില്നിന്ന് അയച്ചിരുന്നു. എന്നാല് പരീക്ഷാഭവനില്നിന്ന് ഇത് കാണാതാകുകയായിരുന്നു.
മുനവറിന് 75 ശതമാനത്തിലധികം അംഗെവെകല്യമുണ്ട്. വലതുകണ്ണിന് 40 ശതമാനം കാഴ്ചക്കുറവും വലതുെകെയ്ക്ക് ബലക്ഷയവുമുണ്ട്. ഓര്മ്മശക്തിയും കുറവാണ്. ഇപ്പോള് ആറാം സെമസ്റ്ററില് പഠിക്കുന്നു. എസ്.എഫ്.ഐക്കാരന് മാര്ക്ക് ദാനം നല്കിയതിനെ മാനുഷികപരിഗണന എന്നു വിശേഷപ്പിച്ച ഇടതു സിന്ഡിക്കേറ്റ് മെമ്പര്മാരുടെ വാദം നിലനില്ക്കെയാണ് ശാരീരിക പ്രയാസങ്ങള് അനുഭവിക്കുന്ന വിദ്യാര്ഥിയോട് സര്വകലാശാല ക്രൂരത കാട്ടുന്നത്. ഇതിനെതിരേ പരക്കെ പ്രതിഷേധമുയരുന്നുണ്ട്.
