അഭിനേത്രിയും നര്ത്തകിയും ടെലിവിഷന് അവതാരകയുമായ സ്വാസിക വിജയ് യും ടെലിവിഷന് താരവും മോഡലുമായ പ്രേം ജേക്കബും തമ്മിലുള്ള വിവാഹം കഴിഞ്ഞ ദിവസം തിരുവനന്തപുരത്ത് വച്ച് നടന്നു. കുടുംബപ്രേക്ഷകരുടെയും സിനിമാപ്രേക്ഷകരുടെയും പ്രിയ താരമായ സ്വാസികയുടെ വിവാഹം സുഹൃത്തുക്കളും സഹപ്രവര്ത്തകരും ചേര്ന്ന് ഗംഭീരമായിട്ടാണ് ആഘോഷിച്ചത്. ബീച്ച് വെഡ്ഡിങാണ് സ്വാസികയും പ്രേം ജേക്കബും തെരഞ്ഞെടുത്തത്. ചടങ്ങില് പങ്കെടുക്കാന് നടിമാരായ ദേവി ചന്ദന, മഞ്ജു പിള്ള, രചന നാരായണന് കുട്ടി, സരയൂ, ഗോപിക, സുരേഷ് ഗോപി, ശ്വേത മേനോന്, അമ്മ ജനറല് സെക്രട്ടറി നടന് ഇടവേള ബാബു എന്നിവര് എത്തിയിരുന്നു. ഇപ്പോഴിതാ ആ സന്തോഷത്തിനിടയില് ദേവി ചന്ദനയും മഞ്ജു പിള്ളയും രചന നാരായണന് കുട്ടിയും സരയൂവും ചേര്ന്നുള്ള റീല്സ് വീഡിയോയാണ് ട്രെന്ഡിംഗാകുന്നത്. തമിഴിലെ സൂപ്പര്ഹിറ്റ് സോംഗായ ‘വാടി വാടി നാട്ടു കാട്ടൈ’ എന്ന പാട്ടിന്റെ ഹമ്മിംഗിനാണ് ഇവര് അടിപൊളിയായി ചുവടു വച്ചിരിക്കുന്നത്. നാലു പേരും മഞ്ഞ നിറത്തിലുള്ള ഔട്ട്ഫിറ്റിലാണ് വീഡിയോയില് തിളങ്ങുന്നത്. ദേവി ചന്ദന പങ്കുവച്ച ഈ വീഡിയോ ആരാധകര് ഏറ്റെടുത്തിരിക്കുകയാണ്.
