നാസയുടെ ചൊവ്വാദൗത്യം ചൊവ്വയില് പുരാതന തടാകത്തിന്റെ അവശിഷ്ടങ്ങള് കണ്ടെത്തി. പെർസെവറൻസ് റോവറാണ് ജല സാന്നിധ്യമുണ്ടായിരുന്ന തടാകം ചൊവ്വയിലുണ്ടായിരുന്നതായി കണ്ടെത്തിയത്. ജെറെസോ ഗര്ത്തമെന്ന് പേരിട്ട ചൊവ്വയുടെ ഉപരിതലത്തിലെ തടാകത്തി സാന്നിധ്യത്തിലേക്കാണ് ഇവ വെളിച്ചം വീശുന്നത്. ഒരു കാലത്ത് ചൊവ്വയില് വെള്ളമുണ്ടായിരുന്നുവെന്നും സൂക്ഷ്മജീവികളുണ്ടായിരുന്നുവെന്നുമുള്ള സംശയത്തെ ബലപ്പെടുത്തുന്ന തെളിവുകളാണ് ഇത്.
ലോസ് ഏഞ്ചൽസിലെ കാലിഫോർണിയ സർവകലാശാലയിലെയും ഓസ്ലോ സർവകലാശാലയിലെയും സംഘങ്ങളുടെ നേതൃത്വത്തിൽ നടത്തിയ ഗവേഷണം പ്രസിദ്ധീകരിച്ചു. ഈ പഠനങ്ങള് ഭൂമിയിലെ തടാകങ്ങളിലെ പോലെ മണ്ണിന്റെ അവശിഷ്ടങ്ങള് ജെറെസോ തടാകത്തിലും ഉണ്ടായിരുന്നുവെന്നാണ് സൂചിപ്പിക്കുന്നത്. നിലവില് തണുത്തുറഞ്ഞതും വരണ്ടതും ജീവനില്ലാത്തതുമായ ചൊവ്വ ഒരു കാലത്ത് ജലമുള്ളതും ഒരുപക്ഷേ വാസയോഗ്യവുമായിരുന്നിരിക്കാമെന്ന നിർണായക കണ്ടെത്തലാണ് പഠനം മുന്നോട്ടുവെയ്ക്കുന്നത്.
ചൊവ്വയിലെ 65 അടി താഴ്ചയുള്ള ശിലാപാളികളുടെ ദൃശ്യം റോവറിന്റെ റിംഫാക്സ് റഡാർ ഉപകരണത്തിൽ നിന്നുള്ള തരംഗങ്ങള് ലഭ്യമാക്കി. ഏതാണ്ട് 3 ബില്യൺ വർഷങ്ങൾക്ക് മുമ്പ് രൂപപ്പെട്ടതായി കരുതപ്പെടുന്ന ജെറേസോയുടെ അവശിഷ്ടങ്ങളുടെ സൂക്ഷ്മ പരിശോധനയാണ് ഗവേഷകര് കണ്ടെത്തുന്നത്.
