മലയാളികളുടെ സ്വകാര്യ അഹങ്കാരമായ മമ്മൂട്ടിയുടെ അഭിനയമികവിനു മാത്രമല്ല സ്റ്റൈലിഷ് ലുക്കിനും ആരാധകര് ഏറെയാണ്. ഏയ്ജ് ഇന് റിവേഴ്സ് ഗിയര് എന്നതിന് ഉത്തമ ഉദാഹരണമാണ് മമ്മൂട്ടി. എപ്പോഴും താരം പങ്കിടുന്ന ചിത്രങ്ങള് സോഷ്യല് മീഡിയയില് വൈറലാകാറുണ്ട്. ഇപ്പോഴിതാ വീണ്ടും ആരാധകരെ അമ്പരപ്പിക്കുകയാണ് താരം. ഭാര്യ സുല്ഫത്തിനൊപ്പം സുഹൃത്തിന്റെ മകന്റെ വിവാഹത്തിനെത്തിയ മമ്മൂട്ടിയുടെ ചിത്രങ്ങളാണ് സോഷ്യല് മീഡിയയില് വൈറലാകുന്നത്. ദുബായില് വച്ചു നടന്ന ഫോട്ടോഗ്രാഫര് ഷൗക്കത്തിന്റെ മകന് ഇഷാന്റെ വിവാഹത്തിനാണ് താരം ഭാര്യ സുല്ഫത്തിനൊപ്പം എത്തിയത്. വൈറ്റ് ഷര്ട്ടും നേവി ബ്ല്യൂ പാന്റ്സും ധരിച്ച് ചുള്ളന് ചെക്കനായിട്ടാണ് താരത്തെ ചിത്രങ്ങളില് കാണുന്നത്. ബ്ലാക്ക് കളര് ഷൂവും കഴുത്തിലും കയ്യിലും സില്വര് ആഭരണങ്ങളും താരം അണിഞ്ഞിരുന്നു. മമ്മൂട്ടിയ്ക്ക് മാച്ച് ചെയ്ത് വെള്ള ഫ്ളോറല് സാരിയാണ് സുല്ഫത്ത് ധരിച്ചത്. താരത്തിന്റെ പുതിയ ചിത്രങ്ങള് സോഷ്യല് മീഡിയ ഏറ്റെടുക്കുകയാണ്.
താരത്തിന്റെ വ്യത്യസ്ത ഔട്ട്ലുക്കിലുള്ള ജയറാം നായകനായ ഏബ്രഹാം ഓസ്ലര് മികച്ച പ്രതികരണം നേടി തിയേറ്ററുകളില് മുന്നേറുകയാണ്. പോസ്റ്ററുകളിലൂടെയും ടീസറുകളിലൂടെയും മമ്മൂട്ടിയുടെ പുതിയ ചിത്രങ്ങളായ ബസൂക്ക, ഭ്രമയുഗം എന്നിവയ്ക്കു വേണ്ടി കാത്തിരിക്കുകയാണ് ആരാധകര്.
