ബോളിവുഡില് കാമുകികാമുകന്മാരായി തിളങ്ങി നിന്നിരുന്ന പല താരങ്ങളും പ്രണയബന്ധം അവസാനിപ്പിക്കുകയും പുതിയ പ്രണയിതാവിനെ കണ്ടെത്തി വിവാഹം കഴിക്കുകയും ചെയ്തിട്ടുണ്ട്. അക്കൂട്ടത്തില് ഏറ്റവും കൂടുതല് ബോളിവുഡ് ആഘോഷിച്ച പ്രണയമാണ് കരീന കപൂറും ഷാഹിദ് കപൂറും തമ്മിലുള്ളത്. ഒരു കാലത്ത് ബോളിവുഡ് ഹോട്ട് പ്രണയജോഡികളായിരുന്നു ഇവര്. പിന്നീട് ഇവര് ബ്രേക്ക് അപ്പ് ആകുകയും രണ്ടു പേരും പുതിയ ജീവിതപങ്കാളികളെ കണ്ടെത്തി അതില് സന്തോഷമായി ജീവിക്കുകയുമാണ്. കഴിവിന്റെ പരമാവധി ഇവര് രണ്ടാളും പരസ്പരം സംസാരിക്കാനും ഇടപഴകാനുമുള്ള അവസരങ്ങള് കുറയ്ക്കാറുണ്ട്. ഇപ്പോഴിതാ ഈ വര്ഷത്തെ ദാദാ സാഹിബ് ഫാൽക്കെ അവാർഡ് നൈറ്റില് രണ്ടുപേരും മുഖാമുഖം കാണാനുള്ള അവസരമുണ്ടായപ്പോള് പ്രതികരിച്ചതാണ് സോഷ്യല് മീഡിയയില് വൈറലാകുന്നത്. മറ്റ് രണ്ടു പേരോട് ഷാഹിദ് കപൂര് സംസാരിച്ച് നില്ക്കുമ്പോള് എലഗന്റ് ലുക്കില് കരീന കപൂര് അവിടേക്ക് കടന്നു വരുന്നത്. ഷാഹിദിനൊപ്പം നില്ക്കുന്നയാളിന് പൊട്ടിച്ചിരിച്ച് ഷേക്ക് ഹാന്ഡ് നല്കുന്ന കരീനയെ ഷാഹിദ് നോക്കുന്നതും കരീന അവിടേക്ക് നോക്കാതിരിക്കുന്നതും വീഡിയോയിലുണ്ട്. എന്നാല് അവരെ കടന്നു പോയ ശേഷം മാധ്യമങ്ങള്ക്ക് മുന്നില് പോസ് ചെയ്യുമ്പോള് ഇടം കണ്ണുകൊണ്ട് ഷാഹിദ് നില്ക്കുന്ന ഭാഗത്തേക്ക് നോക്കുന്ന കരീനയെയും വീഡിയോയില് കാണാം. ആദ്യം ആറ്റിറ്റ്യൂഡ് കാണിക്കുന്നുണ്ടെങ്കിലും ആരുമറിയാതെ ഷാഹിദിനെ ശ്രദ്ധിക്കുന്ന കരീനയുടെ വീഡിയോ പാപ്പരാസികള് പകര്ത്തിയിട്ടുമുണ്ട്. ഏതായാലും സോഷ്യല് മീഡിയ ആരാധകര് ഏറ്റെടുക്കുകയാണ് ഈ വീഡിയോ. ‘അസഹ്യത...’ എന്ന ക്യാപ്ഷനും നല്കിയാണ് ഈ വീഡിയോ പങ്കിട്ടിരിക്കുന്നത്.
