മഞ്ഞുമ്മല് ബോയ്സ് തിയറ്ററുകളില് വിജയകരമായി പ്രദര്ശനം തുടരുകയാണ്. ഇപ്പോഴിതാ തനിക്കു വന്ന മനോഹരമായ ഒരു സന്ദേശം പങ്കുവെച്ചെത്തിയിരിക്കുകയാണ് നടന് ദീപക് പറമ്പോല്. ചിത്രത്തില് താന് അവതരിപ്പിച്ച സുധി എന്ന കഥാപാത്രത്തിന്റെ ഭാര്യ അയച്ച മെസ്സേജ് ആണ് താരം ഫേസ്ബുക്കിലൂടെ പങ്കുവെച്ചത്. വളരെ വൃത്തിയും വെടിപ്പുമായി വസ്ത്രം ധരിക്കുന്ന സ്ഥിരമായി ചന്ദനക്കുറി ധരിക്കുന്ന ഒരാളായിട്ടാണ് സുധിയെ ദീപക് അവതരിപ്പിച്ചത്.
യഥാര്ഥത്തില് സുധി എങ്ങനെയാണോ അങ്ങനെ തന്നെയാണ് ദീപക് ആ കഥാപാത്രത്തെ അവതരിപ്പിച്ചത്. അഭിനയം വളരെ നന്നായിരുന്നു നന്ദിയുണ്ട് എന്നാണ് സുധിയുടെ ഭാര്യ ദീപക്കിന് മെസ്സേജ് അയച്ചത്.
‘ഹായ് ഞാന് സുധിയുടെ ഭാര്യയാണ്. ഞാന് പടം കണ്ടു സൂപ്പര് ആണ്. അതില് സുധി എങ്ങഴനയാണോ അങ്ങനെ തന്നെയാണ് യഥാര്ഥത്തിലും ചന്ദനക്കുറി നിര്ബന്ധമാണ്. നന്ദി’- സുധിയുടെ ഭാര്യ കുറിച്ചു.
