വ്യത്യസ്തവും വിചിത്രവുമായ ഒട്ടനവധി വാര്ത്തകളാണ് ദിവസവും സമൂഹ മാധ്യമങ്ങളിലൂടെ വൈറലായിക്കൊണ്ടിരിക്കുന്നത്. ഇപ്പോഴിതാ ബീഹാറിലെ ജാമുയി ജില്ലയിലെ ഒരു സ്കൂളിനെ സംബന്ധിക്കുന്ന ഒരു കൗതുക വാര്ത്തയാണ് നെറ്റീസണ്സിനിടയില് ശ്രദ്ധ നേടുന്നത്. ഈ സ്കൂളിലെ പ്രിന്സിപ്പലായ ഷീല ഹെംബ്രാം ചെയ്ത ഒരു പ്രവൃത്തിയാണ് വാര്ത്തയായിമാറിയിരിക്കുന്നത്. അവര് തന്റെ ഓഫീസ് മുറി അടക്കളയും കിടപ്പുമുറിയുമാക്കി മാറ്റിയത്രേ. തനിക്കും കുടുംബത്തിനും വേണ്ടിയാണ് പ്രിന്സിപ്പല് ഓഫീസ് മുറി ഇങ്ങനെയാക്കി മാറ്റിയത്.
ഇത് സംബന്ധിച്ച് ദേശീയ മാധ്യമങ്ങള് റിപ്പോര്ട്ട് ചെയ്യുന്നത് പ്രകാരം പ്രിന്സിപ്പല് പറയുന്നത് ഇങ്ങനെ, തനിക്കും കുടുംബത്തിനും നിലവില് വീടില്ല. തങ്ങള് അടുത്ത ഗ്രാമത്തില് ഒരു പുതിയ വീട് പണിതുകൊണ്ടിരിക്കുകയാണ്. അതിനാലാണ് സ്കൂളിലെ ഒരു വീട് പോലെയാക്കി മാറ്റിയെടുത്തത്. എന്നാല് ഇത് കടുത്ത വിമര്ശനത്തിന് ഇടയാക്കി. ഇപ്പോള് സംഭവത്തില് അന്വേഷണം പ്രഖ്യാപിച്ചിരിക്കുകയാണ്. മാവോയിസ്റ്റ് ബാധിത പ്രദേശമായ ഖൈറ ബ്ലോക്കില് സ്ഥിതി ചെയ്യുന്ന ബര്ദൗണിലെ നവീകരിച്ചിരിക്കുന്ന മിഡില് സ്കൂളിലാണ് സംഭവം. ഇവിടെ ഒന്നു മുതല് എട്ടാം ക്ലാസ് വരെയായി 150 വിദ്യാര്ത്ഥികള് പഠിക്കുന്നുണ്ട്.
മാത്രമല്ല ഒരു മുറിയില് പ്രിന്സിപ്പല് താമസമാക്കിയതിനാല് ഇപ്പോള് ക്ലാസിന് ആവശ്യമുള്ളത്ര മുറികളില്ല. അതിനാല് മറ്റുള്ള മൂന്ന് മുറികളിലായിട്ടാണ് ഇക്ലാസ് നടക്കുന്നത്. ഒന്ന്-മൂന്ന് ക്ലാസുകള് ഒരു മുറിയിലും രണ്ട് നാല് ക്ലാസ് ഒരു മുറിയിലും, ആറ് ഏഴ് ക്ലാസുകള് ഒരു മുറിയിലും ആണത്രേ ഇപ്പോള് നടക്കുന്നത്. എന്നാല് തത്കാലത്തേക്ക് മാത്രമാണ് താനിവിടെ താമസിക്കുന്നതെന്നും പുതിയ വീട് പണിത് കഴിഞ്ഞാല് അങ്ങോട്ടേക്ക് മാറുമെന്നുമാണ് പ്രിന്സിപ്പലിന്റെ വെളിപ്പെടുത്തല്. എങ്കിലും സംഭവത്തില പരാതി ഉയര്ന്നതോടെ അധികൃതര് അന്വേഷണം ആരംഭിച്ചുകഴിഞ്ഞു.
