കൊച്ചി: 130 കോടി രൂപയുടെ വായ്പ വാഗ്ദാനം ചെയ്തു സിനിമാ നടിയില്നിന്ന് 37 ലക്ഷം രൂപ തട്ടിയെടുത്തെന്ന കേസില് കൊല്ക്കത്ത സ്വദേശി പിടിയില്. പശ്ചിമ ബംഗാളിലെ കൊല്ക്കത്ത രുചി ആക്ടീവ് ഏക്കര്സ് ഫ്ളാറ്റില് താമസിക്കുന്ന യാസര് ഇക്ബാലി(51)നെയാണ് കൊച്ചി സിറ്റി െസെബര് സെല്ലിന്റെ സഹായത്തോടെ പാലാരിവട്ടം പോലീസിന്റെ നേതൃത്വത്തിലുള്ള പ്രത്യേക അന്വേഷണസംഘം കൊല്ക്കത്തയില്നിന്നു പിടികൂടിയത്. തട്ടിപ്പിന് സഹായിച്ചയാളെ പിടികൂടുന്നതിനായി പാലാരിവട്ടം പോലീസ് അന്വേഷണം ആരംഭിച്ചു.
വായ്പ തരപ്പെടുത്തിക്കൊടുക്കാമെന്നു വിശ്വസിപ്പിച്ചാണ് പ്രതി സിനിമാ നടിയുമായി സൗഹൃദം സ്ഥാപിച്ചത്. തുടര്ന്ന് 130 കോടി രൂപ വായ്പ ലഭിക്കുന്നതിനായി നടി തട്ടിപ്പ് സംഘത്തിന് 37 ലക്ഷം രൂപ െകെമാറി. കൊച്ചിയിലെ പ്രമുഖ ഹോട്ടലില് വച്ചാണ് പണം െകെമാറിയത്. പണം നല്കിയിട്ടും വായ്പ ലഭിച്ചില്ല. തുടര്ന്നാണ് നടി പോലീസിനെ സമീപിച്ചത്. കൊച്ചി സിറ്റി െസെബര് സെല്ലിന്റെ സഹായത്തോടെ നടത്തിയ അന്വേഷണത്തില് പ്രതികളെക്കുറിച്ചുള്ള കൂടുതല് വിവരങ്ങള് ലഭിച്ചതോടെ പ്രത്യേക അന്വേഷണസംഘം കൊല്ക്കത്തയിലേക്കു തിരിച്ചു.
കൊല്ക്കത്തയിലെ ടാഗ്രാ പോലീസ് സ്േറ്റഷന് പരിധിയിലുള്ള അതീവസുരക്ഷയുള്ള ഒരു ഫ്ളാറ്റില് ഒളിവില് കഴിയുകയായിരുന്നപ്രതിയെ സാഹസികമായാണു പിടികൂടിയത്. കൊച്ചി സിറ്റി പോലീസ് കമ്മിഷണര് എസ്. ശ്യാംസുന്ദര്, കൊച്ചി സിറ്റി ഡി.സി.പി: കെ.എസ്. സുദര്ശന് എന്നിവരുടെ നിര്ദേശപ്രകാരം എറണാകുളം അസി. കമ്മിഷണര് രാജകുമാറിന്റെ മേല്നോട്ടത്തിലായിരുന്നു കേസ് അന്വേഷണം.
പാലാരിവട്ടം എസ്.എച്ച്.ഒ: റിച്ചാര്ഡ് വര്ഗീസിന്റെ നേതൃത്വത്തില് സബ് ഇന്സ്പെക്ടര്മാരായ ആല്ബി എസ്. പുത്തൂക്കാട്ടില്, അജിനാഥപിള്ള, സീനിയര് സി.പി.ഒമാരായ അനീഷ്, പ്രശാന്ത്, ജിതിന് ബാലകൃഷ്ണന് എന്നിവരടങ്ങിയ പ്രത്യേക ദൗത്യസംഘമാണ് പ്രതികളെ പിടികൂടിയത്.
