പട്ടൗഡി കുടുംബത്തിലെ കൊച്ചുമകളായും അഭിനേതാക്കളായ സെയ്ഫ് അലി ഖാന്റെയും അമൃത സിംഗിന്റെയും മകളായും പ്രേക്ഷകരുടെ മുന്നിലെത്തിയ താരമാണ് സാറ അലി ഖാന്. സിനിമാകുടുംബത്തില് നിന്ന് വന്നതാണെങ്കിലും കൃത്യമായ ഒരു ഐഡന്റിറ്റിയുണ്ടാക്കിയെടുക്കാന് സാറയ്ക്ക് കഴിഞ്ഞിട്ടുണ്ട്. സെയ്ഫ് അലി ഖാന്റെയും അമൃത സിംഗിന്റെയും മകള് എന്ന ലേബലില് നിന്ന് സ്വന്തമായി ഒരു മേല്വിലാസം നേടിയ താരം ബോളിവുഡിന്റെ യുവനടിമാരില് ശ്രദ്ധേയയാണ്. സോഷ്യല് മീഡിയയിലും താരം നിറഞ്ഞു നില്ക്കാറുണ്ട്.
ഇപ്പോഴിതാ പൊള്ളിയ പാടുകളുമായി ലാക്മേ ഫാന് വീക്കിന്റെ റാമ്പില് ചുവടുവെച്ച സാറാ അലി ഖാന്റെ വീഡിയോയും ചിത്രങ്ങളുമാണ് സോഷ്യല് മീഡിയയില് നിറയുന്നത്. വയറ്റിലെ പൊള്ളിയ പാടുകൾ മറയ്ക്കാതെയാണ് താരം റാമ്പിൽ ചുവടുവച്ചത്. കുറച്ചു ദിവസങ്ങൾക്ക് മുൻപാണ് താരത്തിന് പൊള്ളലേറ്റത്. സില്വര് എംബ്രോയിഡറി വര്ക്കിലുള്ള ഗ്രേ ലെഹങ്കയാണ് താരം അണിഞ്ഞാണ് താരം റാമ്പിലെത്തിയത്. ഡിസൈനര് വരുണ് ചക്കിലമിന്റെ ഷോ സ്റ്റോപ്പറായാണ് സാറ പ്രത്യക്ഷപ്പെട്ടത്.
‘‘സ്ത്രീകൾ അവളുടെ അടയാളങ്ങൾ ആശ്ലേഷിക്കുന്നു, ഇത് വിജയത്തിന്റെ വടുവാണ്, ആത്മവിശ്വാസത്തിന്റെ വടുവാണ്, അവൾ അത് ഭംഗിയായി വഹിക്കുന്നത് നോക്കൂ, ഞങ്ങൾ നിന്നെക്കുറിച്ച് അഭിമാനിക്കുന്നു സാറാ, നിങ്ങൾ വളരെ സുന്ദരിയാണ്...’’ എന്നാണ് ഇന്സ്റ്റഗ്രാമില് ഈ വീഡിയോ പങ്കിട്ട് കുറിച്ചിരിക്കുന്നത്.
.
‘‘എത്രമനോഹരമായാണ് സാറ തന്റെ പൊള്ളലേറ്റ പാടുകള് കാണിക്കുന്നത്. മറ്റാരെങ്കിലുമായിരുന്നെങ്കില് മേക്കപ്പ് വെച്ച് അത് മറക്കുമായിരുന്നു എന്നാണ് കമന്റുകള്. സാറയെ മറ്റുള്ളവരില് നിന്ന് വ്യത്യസ്തയാക്കുന്നത് ഇത്തരം തെരഞ്ഞെടുപ്പുകളാണെ’’ന്നും കുറിക്കുന്നവരുണ്ട്.
ആദ്യമായല്ല സാറ പരിക്കേറ്റ പാടുകളുമായി പൊതുവേദിയിൽ എത്തുന്നത്. കഴിഞ്ഞ ദിവസം പാപ്പരാസികൾക്ക് മുന്നിൽ താരം പൊള്ളിയ പാടുകളുമായി പോസ് ചെയ്തിരുന്നു. എന്ത് പറ്റിയതാണ് എന്ന ചോദ്യത്തിന് പൊള്ളലേറ്റതാണെന്ന് താരം മറുപടി നൽകുകയും ചെയ്തു. നെറ്റ്ഫ്ളിക്സിൽ റിലീസ് ചെയ്ത മർഡർ മുബാരക് ആണ് താരത്തിന്റെ പുതിയ ചിത്രം.
