തിരുവനന്തപുരം: കേരളാ തീരത്ത് കടലേറ്റം രൂക്ഷമായ സാഹചര്യത്തില് ശാസ്ര്തീയ വിശദീകരണവുമായി ദേശീയ സമുദ്രസ്ഥിതിപഠന ഗവേഷണ കേന്ദ്രം. കേരളത്തിന്റെ തീരപ്രദേശങ്ങളില് മാര്ച്ച് 31 ഉച്ചയ്ക്കു മുതല് കണ്ട കടല് കയറുന്ന പ്രതിഭാസം 'കള്ളക്കടല്' ആണെന്ന് സ്ഥിരീകരിച്ചു.
തെക്കന് അറ്റ്ലാന്റിക് സമുദ്രത്തില് മാര്ച്ച് 23-ന് ഇന്ത്യന് തീരത്തുനിന്ന് 10,000 കിലോമീറ്റര് അകലെ ന്യൂനമര്ദം രൂപപ്പെടുകയും, മാര്ച്ച് 25 ഓടെ ഈ ന്യൂനമര്ദം ഇന്ത്യന് മഹാസമുദ്രത്തിന്റെ തെക്ക് ഭാഗത്തേക്ക് നീങ്ങുകയും ചെയ്തിരുന്നു. ഇതിന്റെ ഫലമായി തെക്കന് ഇന്ത്യന് മഹാസമുദ്രത്തില് വളരെ ഉയര്ന്ന തിരമാലകള് സൃഷ്ടിക്കുകയും, ആ തിരമാലകള് പിന്നീട് ഇന്ത്യന് തീരത്തേക്ക് എത്തുകയുമായിരുന്നെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം ഗ്രൂപ്പ് തലവന് ഡോ. പി. ബാലകൃഷ്ണന് നായര് വ്യക്തമാക്കി.
കേരളതീരത്തും ലക്ഷദ്വീപിലും മാര്ച്ച് 31-ന് രാവിലെയാണ് ഉയര്ന്ന തിരമാലകള് ആദ്യമായി അനുഭവപ്പെട്ടത്. അടുത്ത രണ്ടു ദിവസത്തേക്ക്, ഇന്ത്യയുടെ പടിഞ്ഞാറന് തീരത്ത് ഈ പ്രവണത കാണാനും മെല്ലെ ഇവ ദുര്ബലമാകാനുമുള്ള സാധ്യതയാണുള്ളത്. ഇന്ത്യയുടെ കിഴക്കന് തീരങ്ങളിലും (ആന്ധ്രാപ്രദേശ്, ഒഡീഷ, ബംഗാള്) ആന്ഡമാന് നിക്കോബാര് ദ്വീപുകളിലും സെ്വല് സര്ജ് അലേര്ട്ട് ഇന്നു വരെ തുടരാനും സാധ്യതയുണ്ടെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
കടലേറ്റ പ്രതിഭാസത്തിന്റെ ഭാഗമായി കേരള തീരത്ത് വീണ്ടും ജാഗ്രതാ നിര്ദേശം നല്കിയിട്ടുണ്ട്. അരമീറ്റര് മുതല് 1.6 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ട്. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായി ഒഴിവാക്കണമെന്ന് നിര്ദേശിച്ചിട്ടുണ്ട്.
കള്ളക്കടല്
ഇന്ത്യന് മഹാസമുദ്രത്തിലെ തെക്കുഭാഗത്തായി (S-o-u-t-h-e-r-n I-n-id-a-n Oc-e-a-n) ചില പ്രത്യേക സമയങ്ങളില് ഉണ്ടാവുന്ന ശക്തമായ കാറ്റിന്റെ ഫലമായി ഉയര്ന്ന തിരകള് ഉണ്ടാവുകയും അവ വടക്കോട്ട് സഞ്ചരിച്ചു ഇന്ത്യയുടെ തെക്കന് തീരങ്ങളില് എത്തുകയും ചെയ്യും.
ഈ തിരകള് പ്രത്യേകിച്ച് ലക്ഷണങ്ങള് ഉണ്ടാവാതെ പെട്ടന്നുതന്നെ ഉണ്ടാവുകയാണു പതിവ്. ലക്ഷണങ്ങള് കാണിക്കാതെ തിരകള് പെട്ടന്ന് വരുന്നതുകൊണ്ടാണ് ഇവയെ 'കള്ളക്കടല്' എന്ന് വിളിക്കുന്നത്. ഈ തിരകള് മൂലം തീരപ്രദേശങ്ങളില് കടല് ഉള്വലിയാനും/കയറാനും കാരണമാവുന്നു. കള്ളക്കടല് സംബന്ധിച്ച കൂടുതല് വിവരങ്ങളും അപേ്ഡറ്റുകളും ദേശീയ സമുദ്രസ്ഥിതിപഠന ഗവേഷണ കേന്ദ്രം വെബ്സൈറ്റില് ലഭ്യമാണ്
