മലയാളികൾക്ക് പരിചയപ്പെടുത്തലിന്റെ ആവശ്യമില്ലാത്ത നടിയാണ് ഗായത്രി സുരേഷ്. കുഞ്ചാക്കോ ബോബൻ നായകനായ ‘ജമ്നാപ്യാരി’ എന്ന ചിത്രത്തിലൂടെ മലയാളികൾക്ക് സുപരിചിതയായ താരം പിന്നീട് ഒരേ മുഖം, ഒരു മെക്സിക്കൻ അപാരത, ചിൽഡ്രൻസ് പാർക്ക് തുടങ്ങിയ സിനിമകളിലൂടെ തന്റെ സ്ഥാനം മലയാള സിനിമയില് ഉറപ്പിച്ചു. ചെറിയൊരു ഇടവേളയ്ക്കു ശേഷം ഗായത്രിയുടേതായി ഒരു സിനിമ റിലീസ് കാത്തിരിക്കുകയാണ്, ‘ബദല്’. ഏപ്രിൽ അഞ്ചിന് റിലീസ് ചെയ്യുന്ന ‘ബദലി’ൽ നിർണായക കഥാപാത്രത്തെയാണ് ഗായത്രി സുരേഷ് അവതരിപ്പിക്കുന്നത്. അതിന്റെ പ്രൊമോഷന്റെ ഭാഗമായി നിരവധി അഭിമുഖങ്ങളും താരം നല്കുന്നുണ്ട്.
ഇപ്പോഴിതാ നിറത്തിന്റെ പേരിലുള്ള വിമര്ശനങ്ങളെക്കുറിച്ച് തുറന്നു സംസാരിക്കുകയാണ് ഗായത്രി സുരേഷ്. കറുത്തവർ മാത്രമല്ല വെളുത്തവരും സമൂഹത്തിൽ മാറ്റിനിർത്തപ്പെടുന്നുണ്ട്. ‘‘അങ്ങനെയാണെങ്കില് നമ്മള് രണ്ടു വശവും പറയണം. കറുത്തവർ മാത്രമല്ല വെളുത്തവരും സമൂഹത്തിൽ മാറ്റിനിർത്തപ്പെടുന്നുണ്ട്. നിറത്തിന്റെ പേരില് വിമര്ശനങ്ങള് ഉയരുമ്പോള് വെളുത്ത നിറമുള്ളവരും ചിലതൊക്കെ അഭിമുഖീകരിക്കുന്നുണ്ട്. നിനക്ക് കളറുള്ളതു കൊണ്ട് സിനിമ കിട്ടിയെന്ന് പറയാറുണ്ട്, അല്ലെങ്കില് സൗന്ദര്യമുള്ളതു കൊണ്ട് കിട്ടിയെന്ന് പറയും. അപ്പോള് അവരുടെ ടാലന്റും അവിടെ താഴെയാണ്. അവരുടെ ടാലന്റിനു പകരം നിറം മാത്രമാണ് മുഖവിലയ്ക്കെടുക്കുന്നത്. കറുപ്പായാലും വെളുപ്പായാലും പലപ്പോഴും രണ്ടു പേരുടേയും ടാലന്റിയെയാണ് ഇങ്ങനെയൊരു ചിന്ത അടിച്ചു താഴ്ത്തുന്നത്. ഈ സബ്കോണ്ഷ്യസ് പ്രോഗ്രാമിംഗ് ഏതു കാലത്തും ഉണ്ടാകും. അതു മാറാന് സമയമെടുക്കും. ഇക്കാര്യത്തില് നമുക്ക് ചെയ്യാന് പറ്റുന്നത്, ഇതിനൊക്കെ മുകളിലായി നമ്മുടെ ആത്മവിശ്വാസവും ടാലന്റും വിശ്വാസവുമൊക്കെ വളര്ത്തുക എന്നതാണ്. അതിനു മുകളിലേക്ക് വളരാന് കഴിഞ്ഞാല് ഈ നിറത്തിന്റെ കാര്യം മാത്രമല്ല സ്ത്രീ പുരുഷ ഭേദം പോലും മാറ്റിയെടുക്കാന് കഴിയും. സ്ത്രീകള്ക്ക് അതിനു മുകളില് കരുത്തു വരുകയാണെങ്കില് ആര്ക്കും തടയാന് കഴിയില്ല. അതിന്റെ മുകളില് എങ്ങനെ വളരാന് കഴിയുമെന്നത് ചിന്തിക്കുക. അല്ലാതെ ഇങ്ങനെ ഫൈറ്റ് ചെയ്തു കൊണ്ടിരുന്നാല് ഒന്നും പറ്റില്ല. നമ്മുടെ കാര്യങ്ങള് ഒന്നും നടക്കില്ല....’’ ഗായത്രി സുരേഷ് പറയുന്നു.
