കുറച്ചു ദിവസങ്ങളായി ജാൻവി കപൂറും രാജ്കുമാർ റാവുവും ഒരുമിച്ച് അഭിനയിക്കുന്ന മിസ്റ്റർ ആൻഡ് മിസിസ് മഹി എന്ന ചിത്രത്തിന്റെ വിശേഷങ്ങളാണ് താരങ്ങള് പങ്കിടുന്നത്. സിനിമയുടെ ട്രെയിലർ പങ്കിട്ടതിനു പിന്നാലെ അവർ ചിത്രത്തിലെ ആദ്യ ഗാനത്തിനായി റിലീസ് ചെയ്യാനൊരുങ്ങുകയാണ്.
ഇപ്പോഴിതാ ബോളിവുഡ് ചലച്ചിത്രസംവിധായകനും, നിർമ്മാതാവും, ടെലിവിഷൻ അവതാരകനുമാണ് കരൺ ജോഹർ തന്റെ സോഷ്യല് മീഡിയയിലൂടെ ഈ സിനിമയിലെ പാട്ടിനെക്കുറിച്ച് കുറിച്ചിരിക്കുകയാണ്. ‘‘ഈ ഗാനം ഇതിനകം ഒരു ചെറിയ നോട്ടത്തിലൂടെ എല്ലാ ഹൃദയങ്ങളിലും പ്രതിധ്വനിക്കുന്നു... കൂടാതെ അത് മുമ്പ് ചെയ്തിരുന്ന സ്നേഹത്തിന്റെ പരിശുദ്ധി നിലനിർത്തുന്നു... എന്റെ ഹൃദയത്തോട് വളരെ അടുത്ത് നിൽക്കുന്ന ഒരു ഗാനം ഉടൻ നിങ്ങളുടേതാകും. മിസ്റ്റർ & മിസ്സിസ് മഹിയിൽ നിന്ന്...’’ എന്ന കുറിപ്പിനൊപ്പം ‘‘അത് എന്താണെന്ന് നിങ്ങൾക്കറിയാം ... അത് ഉടൻ വരുന്നു...’’ എന്ന ക്യാപ്ഷനും നല്കിയാണ് കരണ് പോസ്റ്റ് പങ്കിട്ടിരിക്കുന്നത്.
ഈ പോസ്റ്റ് വന്നതിനു പിന്നാലെ പലരും ‘കഭി ഖുഷി കഭി ഗമ്മിലെ പാട്ടാണോ, എസ്ആര്കെ -കാജോള് കോമ്പോ ഇല്ലാതെയോ’ എന്നതടക്കമാണ് കമന്റുകള് കുറിക്കുന്നത്.
