തിരുവനന്തപുരം: തദ്ദേശ സ്വയംഭരണ പ്രദേശത്തെ വാര്ഡ് പുനര്നിര്ണയത്തിന് ഓര്ഡിനന്സ് ഇറക്കാന് മന്ത്രിസഭാ യോഗത്തില് തീരുമാനം. വാര്ഡ് പുനര്നിര്ണയിക്കാന് കമ്മീഷന് രൂപീകരിക്കും. ഇതോടെ എല്ലാ തദ്ദേശ സ്ഥാപനങ്ങളിലും ഓരോ വാര്ഡ് കൂടും.
പുതിയ വാര്ഡ് വിഭജനത്തിന്റെ അടിസ്ഥാനത്തില് ആയിരിക്കും അടുത്ത തദ്ദേശ തിരഞ്ഞെടുപ്പ് നടക്കുക. ഇന്ന് ചേര്ന്ന മന്ത്രിസഭാ യോഗത്തിലാണ് ഇതുസംബന്ധിച്ച തീരുമാനമായത്. ജനസംഖ്യ വര്ധിച്ചെന്ന് വിലയിരുത്തിയാണ് വാര്ഡുകള് പുനര്നിര്ണയിക്കുന്നത്. നിലവില് 13 വാര്ഡുകള് ഉള്ളവ ചെറിയ പഞ്ചായത്തുകളും 23 വാര്ഡുകളുള്ളത് വലിയ പഞ്ചായത്തുമാണ്. ഭേദഗതി വരുന്നതോടെ ചെറിയ പഞ്ചായത്തുകളില് 14 വാര്ഡുകളും വലിയ പഞ്ചായത്തുകളില് 24 വാര്ഡുകളും വരും.
വാര്ഡ് വിഭജനം നടപ്പിലാകുന്നതോടെ 1200 വാര്ഡുകള് പുതുതായി രൂപപ്പെടും. എല്ലാ തദ്ദേശസ്ഥാപനങ്ങളിലും ഓരോ വാര്ഡ് വീതം കൂടുന്നതോടെ പുതിയതായി 1200 അംഗങ്ങള് കൂടി വര്ദ്ധിക്കുന്നതോടെ ഇവര്ക്ക് ഓണറേറിയത്തിന് മാത്രം അഞ്ചു വര്ഷം 67 കോടി രൂപ അധികം കണ്ടെത്തേണ്ടി വരും. അതേസമയം ഇതില് പ്രതിപക്ഷം എതിര്പ്പുമായി രംഗത്ത് വന്നിട്ടുണ്ട്.
വാര്ഡ് പുനര്നിര്ണയത്തില് സര്ക്കാരിന്റേത് ഏകപക്ഷിയമായ തീരുമാനമാണ് എന്നാണ് പ്രതിപക്ഷത്തിന്റെ ആരോപണം. 2001ലെ സെന്സസിന്റെ അടിസ്ഥാനത്തില് 2010ലാണ് അവസാനമായി വാര്ഡുകളുടെ പുനര്നിര്ണയം നടന്നത്.
