പാമ്പ് കടിയേറ്റവരുടെ ചികിത്സയ്ക്കായുള്ള ആന്റി സ്നേക്ക് വെനം നല്കുന്ന ആശുപത്രികളുടെ പേരുകള് പ്രസിദ്ധീകരിക്കാന് ആരോഗ്യ വകുപ്പ് മന്ത്രി വീണ ജോര്ജ് ആരോഗ്യ വകുപ്പ് ഡയറക്ടര്ക്ക് നിര്ദേശം നല്കി. സംസ്ഥാനതലത്തിലും ജില്ല തലത്തിലും ആശുപത്രികലുടെ പേരുകള് പ്രസിദ്ധീകരിക്കണം.
നടപടി മുഖ്യമന്ത്രിയുടെ നിര്ദേശത്തെ തുടര്ന്നാണ്. പാമ്പ് കടിയേറ്റാല് എത്രയും പെട്ടെന്ന് ആന്റീവെനം ചികിത്സ ലഭ്യമാക്കേണ്ടതുണ്ട്. പാമ്പിന്റെ കടിയേറ്റവര്ക്ക് അധിക ദൂരം യാത്ര ചെയ്യാതെ ആന്റിവെനം ലഭ്യമാക്കേണ്ടതുണ്ട്.
താലൂക്ക് ആശുപത്രികള് മുതല് മെഡിക്കല് കോളേജുകള് വരെയുള്ള ആശുപത്രികളിലാണ് ആന്റീവെനം ലഭ്യമാക്കിയിട്ടുള്ളത്. പരമാവധി ആശുപത്രികളില് ആന്റിവെനം ചികിത്സ ലഭ്യമാക്കാനുള്ള ശ്രമത്തിലാണ് ആരോഗ്യ വകുപ്പ്.
