തെന്നിന്ത്യയില് തിളങ്ങി നില്ക്കുന്ന താരങ്ങളാണ് ശരത്കുമാറും ഭാര്യ രാധിക ശരത്കുമാറും. രാധികയുടെയും ശരത്കുമാറിന്റെയും രണ്ടാം വിവാഹമാണിത്. ശരത്കുമാറിന്റെ ആദ്യ ഭാര്യ ഛായദേവിയിൽ പിറന്ന മക്കളാണ് വരലക്ഷ്മിയും പൂജയും. അഭിനേത്രിയായ വരലക്ഷ്മി ശരത്കുമാര്. കഴിഞ്ഞ ദിവസമാണ് മുംബൈയിൽ നിന്നുള്ള ഗാലറിസ്റ്റ് നിക്കോളായ് സച്ച്ദേവിനെ വിവാഹം ചെയ്തത്. തായ്ലന്റിൽ വെച്ചായിരുന്നു ബന്ധുക്കളുടെ സാന്നിധ്യത്തിൽ വിവാഹം നടന്നത്. പിതാവ് ശരത്കുമാറും രണ്ടാനമ്മ രാധിക ശരത്കുമാറും അമ്മ ഛായദേവിയും മുന്നിൽ നിന്നാണ് വിവാഹ ചടങ്ങുകൾ നടത്തിയത്.
നിക്കോളായുടെയും രണ്ടാം വിവാഹമാണിത്. ആദ്യ ബന്ധത്തിൽ കൗമാരക്കാരിയായ മകൾ നിക്കോളായ്ക്കുണ്ട്. നിക്കോളായുടെ മുൻ ഭാര്യയെ താൻ കണ്ടിട്ടുണ്ടെന്ന് വരലക്ഷ്മി പറഞ്ഞിട്ടുണ്ട്. ഭർത്താവിന്റെ മുൻബന്ധങ്ങളൊന്നും വരലക്ഷ്മി കാര്യമാക്കുന്നില്ല.
ഇപ്പോഴിതാ രാധികയെക്കുറിച്ച് ഒരിക്കൽ വരലക്ഷ്മി പറഞ്ഞ കാര്യങ്ങളാണ് ശ്രദ്ധ നേടുന്നത്. ‘‘രാധിക മാം എന്റെ അമ്മയാണെന്ന് പലരും കരുതുന്നു. അവർ എന്റെ അമ്മയല്ല. അച്ഛന്റെ രണ്ടാം ഭാര്യയാണ്. അവരുടെ കാര്യങ്ങളിൽ സന്തോഷമുണ്ട്. രാധികയെ ഞാൻ വെറുക്കുന്നു എന്നല്ല. ഞങ്ങൾ തമ്മിൽ നല്ല അടുപ്പമുണ്ട്. എന്താണ് അവരെ ആന്റിയെന്ന് വിളിക്കുന്നതെന്ന് പലരും ചോദിക്കും. കാരണം അവർ എന്റെ അമ്മയല്ല. എല്ലാവർക്കും ഒരു അമ്മയേ ഉണ്ടാവൂ. രാധിക എനിക്കെന്നും ആന്റിയാണ്. എന്റെ അമ്മയെയും രാധിക ആന്റിയെയും ഞാന് ബഹുമാനിക്കുന്നു. അത് പോലെയാണ് റയാനും. അവളുടെ അച്ഛൻ വേറെയാണ്.
പക്ഷെ അവളുടെ അമ്മ എന്റെ അച്ഛനെ വിവാഹം ചെയ്തു. അദ്ദേഹം അവൾക്ക് വളരെ നല്ല അച്ഛനാണ്. വിവാഹം നടത്തിയതെല്ലാം അച്ഛനാണ്. ആളുകൾ പറയുന്നതെന്നും താൻ കാര്യമാക്കുന്നില്ലെന്നും വരലക്ഷ്മി അന്ന് വ്യക്തമാക്കി. രാധികയുടെ മൂന്നാം വിവാഹമായിരുന്നു ശരത്കുമാറുമായി. മുൻ വിവാഹ ബന്ധത്തിൽ നടിക്ക് റയാൻ ഹാർഡി എന്ന മകളുമുണ്ട്. റയാൻ ഇന്ന് കുടുംബ ജീവിതം നയിക്കുകയാണ്....’’ വരലക്ഷ്മി പറയുന്നു.
ശരത്കുമാറിന് വിവാഹ ശേഷവും ചില ബന്ധങ്ങൾ ഉണ്ടായെന്ന് നേരത്തെ ഗോസിപ്പ് വന്നിട്ടുണ്ട്. ഇതിനിടെയാണ് നടി രാധിക ശരത്കുമാറിന്റെ ജീവിതത്തിലേക്ക് കടന്ന് വരുന്നത്. ഇവര് വിവാഹിതരാകുകയും രാഹുൽ എന്ന മകനും താര ദമ്പതികൾക്ക് പിറക്കുകയും ചെയ്തു. ആദ്യ ഭാര്യയായ ഛായ ദേവിയുമായി ശരത്കുമാറിനും രാധികയ്ക്കും സൗഹൃദമുണ്ട്. കുടുംബത്തിലെ വിശേഷ ദിവസങ്ങളിൽ എല്ലാവരും ഒരുമിച്ച് കൂടാറുണ്ട്. എല്ലാവരും ഒരുമിച്ച് നിൽക്കാൻ വേണ്ടി പ്രയത്നിച്ചത് രാധികയാണെന്ന് ശരത്കുമാർ നേരത്തെ പറഞ്ഞിട്ടുണ്ട്.ശരത്കുമാറിനൊപ്പമുള്ള വിവാഹ ജീവിതത്തെക്കുറിച്ചും രാധിക സംസാരിച്ചിട്ടുണ്ട്. ‘‘എല്ലാ ബന്ധങ്ങളിലും കൊടുക്കൽ വാങ്ങലുകൾ ഉണ്ടാകണം. പ്രണയം എന്നാൽ ഫ്രണ്ട്ഷിപ്പാണ്. വഴക്കുണ്ടായാൽ ആരും ക്ഷമ പറയാറില്ല. വഴക്കാകുമ്പോൾ അവിടെ നിന്ന് മാറും. ഒരു ഡ്രെെവ് പോയി വന്ന ശേഷം പ്രശ്നങ്ങൾ പറഞ്ഞ് തീർക്കും. പിണക്കം മാറാൻ കുറച്ച് സമയമെടുക്കും. എന്നാൽ അതിന്റെ പേരിൽ പെട്ടിയുമെടുത്ത് പോകില്ല...’’ രാധിക പറഞ്ഞു.
Tags
About Author:
