തെന്നിന്ത്യയില് അന്നുമിന്നും നിറഞ്ഞു നില്ക്കുന്ന താരമാണ് ജ്യോതിക. താരത്തിന്റെ തുടക്കം ബോളിവുഡിലെ ഡോളി സജാ കേ രഖ്നാ എന്ന പ്രിയദര്ശന് സിനിമയിലൂടെയാണെങ്കിലും തന്റേതായ ഇടം ഉറപ്പിച്ചത് തമിഴ് സിനിമ ലോകത്താണ്. നാല്പ്പത്തിയഞ്ചുകാരിയായ ജ്യോതിക ജനിച്ചതും വളർന്നതുമെല്ലാം മുംബൈയിലാണ്. എന്നാല് ഏഴ് വര്ഷത്തെ പ്രണയത്തിന് ശേഷം തമിഴകത്തിന്റെ പ്രിയതാരം സൂര്യയെ വിവാഹം ചെയ്തതോടെ ജ്യോതിക പക്ക തമിഴ്പെണ്ണായി മാറി. രണ്ട് മക്കളുണ്ട് ഇരുവർക്കും. പതിനെട്ട് വർഷമായി നിറഞ്ഞ സന്തോഷത്തോടെ ദാമ്പത്യം ആഘോഷിക്കുകയാണ് ഈ താരദമ്പതിമാര്. പൂവെല്ലാം കെട്ടുപ്പാർ എന്ന തമിഴ് സിനിമയുടെ സെറ്റില് വെച്ചാണ്. അതിന് ശേഷം പതിനൊന്നോളം സിനിമകളില്ഇരുവരും ഒന്നിച്ചഭിനയിച്ചിട്ടുണ്ട്.
എല്ലാ നായിക നടിമാരെയും പോലെ ജ്യോതികയും വിവാഹത്തോടെ അഭിനയത്തില് നിന്നും ഇടവേളയെടുത്തിരുന്നു. എന്നാല് സൂര്യ തന്നെ എല്ലാവിധ പിന്തുണയും നല്കി ജ്യോതികയെ തിരികെ അഭിനയത്തിലേക്ക് കൊണ്ടുവന്നു. സൂര്യയെ കുറിച്ച് എല്ലാ വേദികളിലും ജ്യോതിക വാചാലയാകാറുണ്ട്. സോഷ്യല് മീഡിയയിലും നിറഞ്ഞു നില്ക്കുന്ന താരമാണ് ജ്യോതിക.
ഇപ്പോഴിതാ താരത്തിന്റെ പുതിയ ഫോട്ടോഷൂട്ട് ചിത്രങ്ങളാണ് വൈറലായി മാറുന്നത്. ഡീപ്പ് നെക്കുള്ള ബ്ലാക്ക് ബ്രായ്ക്കൊപ്പം ബ്ലെയ്സറും ഹെവി നെക്ക് പീസും മറ്റ് ജ്വല്ലറികളും സ്റ്റൈല് ചെയ്ത് ക്ലാസി ലുക്കിലാണ് താരത്തെ ചിത്രങ്ങളില് കാണുന്നത്. ഫ്ലേയേര്ഡ് പാന്റ്സും അനലോഗ് ഗോള്ഡ് ആന്ഡ് സില്വര് വാച്ചും ഗോള്ഡന് നെക്ക്പീസും ഒപ്പമുള്ള വെല്വറ്റ് ഷൂവും താരത്തിന് എലഗന്റ് ലുക്ക് നല്കുന്നു. താരത്തിന്റെ പുതിയ ലുക്കിനുള്ള പ്രശംസകള് കമന്റുകളിലൂടെ പല ആരാധകരും കുറിക്കുന്നുണ്ട്. ‘ബ്ലെയ്സറില് ജ്യോതികയ്ക്ക് പത്ത് വയസ് കുറഞ്ഞതായി തോന്നുന്നു, രണ്ട് കുഞ്ഞുങ്ങളുടെ അമ്മയാണെങ്കിലും മുൻ നിര നായിക നടിമാരെ വരെ പിന്നിലാക്കുന്നതാണ് ജ്യോതികയുടെ ഫിറ്റ്നസ്സെന്നും കമന്റുകളുണ്ട്. നാല്പ്പത്തിയൊമ്പതുകാരനായ സൂര്യയും യുവത്വം നിലനിർത്തുന്നതിന്റെയും ഫിറ്റ്നസ് കാത്ത് സൂക്ഷിക്കുന്നതിന്റെയും കാര്യത്തില് ഒട്ടും പിറകിലല്ല. ഇരുവരും ഒരുമിച്ചാണ് വർക്കൗട്ട് അടക്കമുള്ളവ ചെയ്യുന്നത്.
എന്നാല് 69ാമത് ഫിലിംഫെയർ സൗത്ത് പുരസ്കാര ദാന ചടങ്ങില് എത്തിയ താരത്തിന്റെ ഈ ഗ്ലാമര് ലുക്കിന് വിമര്ശനങ്ങള് നേരിടുന്നുണ്ട്. ഗ്ലാമറസായി വസ്ത്രം ധരിച്ചതിനാണ് നടിയെ സോഷ്യല്മീഡിയ പരിഹസിക്കുന്നത്. എന്നാല് ജ്യോതികയുടെ ഗ്ലാമറസ് ലുക്കിന് പ്രശംസയെക്കാള് ഏറെ വിമർശനമാണ് ലഭിച്ചത്. വീണ്ടും മുംബൈയില് സെറ്റില്ഡായശേഷം ബോളിവുഡ് ഡ്രസ്സിങ് സ്റ്റൈല് അടക്കം ജ്യോതിക പരീക്ഷിച്ച് തുടങ്ങിയിട്ടുണ്ട്. എന്നാല് തെന്നിന്ത്യൻ ആരാധകർക്ക് അത് അത്ര ബോധിച്ചിട്ടില്ല.
‘‘ഇങ്ങനെയൊക്കെ വസ്ത്രം ധരിക്കാൻ സൂര്യ ജ്യോതികയെ സമ്മതിച്ചുവോ? ജ്യോതികയില് നിന്നും ഇത് പ്രതീക്ഷിച്ചില്ല, ജ്യോതികയോടുള്ള സ്നേഹം ഇല്ലാതെയായി...’’ എന്നിങ്ങനെ എല്ലാമാണ് കമന്റുകള്. എന്നാല് താരത്തിന്റെ ഫാഷൻ സെൻസിനെയും യുവത്വത്തെയും പ്രശംസിച്ചു. വസ്ത്രധാരണത്തിന്റെ പേരില് ഒരു വ്യക്തിയുടെ വ്യക്തിത്വം വിലയിരുത്തുന്നത് ന്യായമല്ലെന്ന് കുറിച്ച് പിന്തുണച്ച് എത്തിയവരുമുണ്ട്.
അജയ് ദേവ്ഗണ്, ജ്യോതിക, ആര് മാധവന് എന്നിവരെ പ്രധാന കഥാപാത്രങ്ങളാക്കി വികാസ് ബഹ്ല് സംവിധാനം ചെയ്യ്ത ശെയ്ത്താന് എന്ന സിനിമയില് മികച്ച പ്രകടനമാണ് ജ്യോതിക കാഴ്ചവച്ചത്. അജയ് ദേവ്ഗണ് നായകനായി ഒടുവില് പ്രദര്ശനത്തിന് എത്തിയ ഭോലാ എന്ന സിനിമയിലും താരം അഭിനയിച്ചിരുന്നു. മമ്മൂട്ടിയുടെ കാതല് എന്ന സിനിമയിലൂടെ മലയാളത്തിലേക്കും തിരിച്ചെത്തി.
വിവാഹത്തിന് മുമ്പ് ചെയ്തിരുന്നതിനേക്കാള് കാമ്പുള്ള കഥാപാത്രങ്ങളാണ് ജ്യോതികയ്ക്ക് ലഭിക്കുന്നത്. രണ്ടാം വരവില് തമിഴ് സിനിമകളില് മാത്രമല്ല ക്രമേണ ബോളിവുഡ്, മലയാളം സിനിമകളിലും താരം അഭിനയിച്ചു. അടുത്തിടെ ജ്യോതികയുടെ മലയാളം ചിത്രം കാതല് ദി കോർ വൻ ഹിറ്റായിരുന്നു. ഇതിന് പുറമെ സൈത്താൻ എന്ന ഹിന്ദി ചിത്രത്തില് മാധവനൊപ്പം ഒരു കേന്ദ്രകഥാപാത്രത്തെയും അവതരിപ്പിച്ചു. മക്കള് മുതിർന്നതോടെ അവരുടെ വിദ്യാഭ്യാസത്തിനും മറ്റുമായി സൂര്യയും ജ്യോതികയും ഇപ്പോള് മുംബൈയില് സെറ്റില്ഡാണ്.
