ബോളിവുഡിന്റെ ഡ്രീംഗേളായി അന്നുമിന്നും അറിയപ്പെടുന്ന താരമാണ് ഹേമമാലിനി. ലോക്സഭ എംപി കൂടിയായ താരത്തിന് ഇന്നും ആരാധകര് ഏറെയാണ്. പഴയ അതേ സൗന്ദര്യവും ആകാരവടിവും ആകര്ഷണീയതയും ഇന്നും ഹേമമാലിനിക്കുണ്ട്. എന്നാല് പലപ്പോഴും അല്പ്പം ഗമയോടെ ഇടപെടുന്ന താരങ്ങളില് മുന്പന്തിയിലാണ് താരം. പൊതുവേ ആരാധകരില് നിന്ന് അല്പ്പം അകലം പാലിച്ചും ഗര്വ്വ് കാണിച്ചുമാണ് ഹേമമാലിനി ഇടപഴകാറുള്ളത്.
ഇപ്പോഴിതാ ആരാധികയോടുള്ള ഹേമമാലിനിയുടെ പെരുമാറ്റത്തിന്റെ വീഡിയോയാണ് സോഷ്യല് മീഡിയയില് വൈറലാകുന്നത്. ഫോട്ടോകള് ക്ലിക്കുചെയ്യുന്നതിനിടെ ഒരു വനിതാ ആരാധിക തന്റെ ദേഹത്ത് സ്പര്ശിച്ചത് ഹേമ മാലിനിയെ അസ്വസ്തയാക്കിയത് വീഡിയോയില് കാണാം. ഫോട്ടോ എടുക്കുമ്പോള് തന്നെ തൊടരുതെന്ന് ഹേമ സ്ത്രീയോട് ആവശ്യപ്പെടുന്നത് വീഡിയോയില് വ്യക്തമാണ്.
അടുത്തിടെ ഒരു പരിപാടിയില് പങ്കെടുത്തപ്പോള് ഫോട്ടോകള്ക്കായി ആരാധകർ വളയുകയായിരുന്നു. അപ്പോഴാണ് വനിതാ ആരാധിക ഹേമമാലിനിയോട് കൂടുതല് അടുക്കാൻ ശ്രമിച്ച്, താരത്തെ ചുറ്റിപ്പിടിക്കാൻ ശ്രമിക്കുകയും ചെയ്തു. അത് മുതിർന്ന നടിയെ പ്രകോപിപ്പിച്ചു. വീഡിയോയില്,‘തൊടരുത്’ എന്ന് ഹേമമാലിനി പറയുന്നത് കേള്ക്കാം.
പാപ്പരാസി പേജുകളിലൂടെ ശ്രദ്ധിക്കപ്പെട്ട വീഡിയോയ്ക്ക് താഴെ താരത്തെ വിമര്ശിച്ചും അനുകൂലിച്ചും കമന്റുകള് കുറിക്കുന്നുണ്ട്. ‘നടിയുടെ സ്വകാര്യതയിലേക്ക് കയറാനുള്ള ശ്രമം നടത്തിയതിനാലാണ് ഹേമമാലിനി ഇങ്ങനെ ചെയ്തത്’ എന്ന് ഒരു കൂട്ടര് പറയുമ്പോള്‘ഹേമ മാലിനി മുന്പും ഇങ്ങനെ ചെയ്തിട്ടുണ്ട്, ജയാ ബച്ചൻ, ഹേമ മാലിനി എന്നിവര് എപ്പോഴും ഇങ്ങനെ പെരുമാറുന്ന സെലിബ്രിറ്റികളാണ്’ എന്ന് കുറിക്കുന്നവരുമുണ്ട്. ഗുല്സാറിന്റെ ജീവചരിത്രമായ ‘ഗുല്സാർ സാബ്: ഹസാർ റഹെയ്ൻ മഡ് കെ ദേഖിൻ’ പ്രകാശന ചടങ്ങിനിടെ, ഒരു ആരാധകൻ തന്നോട് ഒരു സെല്ഫി ചോദിച്ചതിനെ തുടർന്ന് ഹേമമാലിനി ദേഷ്യപ്പെട്ട വീഡിയോ വൈറലായതാണ്. ‘ഞങ്ങള് സെല്ഫിയെടുക്കാൻ വന്നതല്ല..’ എന്ന് പറഞ്ഞാണ് താരം അന്ന് ആരാധകനോട് കയര്ത്തത്.
