സമീറ റെഡ്ഡി എന്ന കേട്ടാല് ഏതൊരു സിനിമാ പ്രേമിയ്ക്കും ആദ്യം ഓര്മ വരുന്നത് വാരണം ആയിരം എന്ന സിനിമ തന്നെയായിരിക്കും. എന്നാല് മലയാളികളെ സംബന്ധിച്ച് സമീറ മോഹന്ലാലിന്റെ നായികയാണ്
ഹിന്ദി - തെലുങ്ക് സിനിമകളില് സജീവമായിരുന്ന സമീറ റെഡ്ഡിയ്ക്ക് കരിയര് ബ്രേക്ക് ആയത് തീര്ച്ചയായും വാരണം ആയിരം എന്ന സിനിമ തന്നെയാണ്. അതിന് ശേഷമാണ് ഒരുനാള് വരും എന്ന സിനിമയിലൂടെ മലയാളത്തിലേക്ക് എത്തിയത്.
തെലുങ്ക്- തമിഴ്- മലയാളം- ഹിന്ദി സിനിമകളിലെല്ലാം നിറഞ്ഞു നിന്നിരുന്ന സമീറ റെഡ്ഡി പക്ഷേ വിവാഹത്തിന് ശേഷം അഭിനയത്തില് നിന്നും പൂര്ണമായും അകന്ന് നില്ക്കുകയാണ്. കുടുംബ കാര്യങ്ങളില് തിരക്കിലായിരുന്നു നടി.
അഭിനയത്തില് നിന്ന് വിട്ടു നിന്നാലും റീലുകളിലൂടെയും മറ്റും സോഷ്യല് മീഡിയയില് സജീവമാണ്. അമ്മായിയമ്മയ്ക്കൊപ്പമുള്ള സമീറയുടെ വീഡിയോ എന്നും കൈയ്യടിയോടെ സ്വീകരിക്കപ്പെടാറുണ്ട്. ഇരുവരുടെയും കോമ്പോ പ്രേക്ഷകര്ക്ക് അത്രയും ഇഷ്ടമാണ്.
എന്നാല് ഇപ്പോള് അമ്മായിയമ്മയെയും മക്കളെയും ആരെയും കൂട്ടാതെ തന്റെ സോളോ ട്രിപ്പ് ആഘോഷിക്കുകയാണ് നടി. ഗ്രീസിലേക്ക് നടത്തിയ സോളോ ട്രിപ്പിന്റെ ഫോട്ടോകള് സെമീറ റെഡ്ഡി ഇന്സ്റ്റഗ്രാമില് പോസ്റ്റ് ചെയ്തു.
'മക്കളില്ലാതെ നിങ്ങള് ഒറ്റയ്ക്ക് അവധിക്കാല യാത്ര പോകുമോ. എന്റെ ആദ്യത്തെ അനുഭവം' എന്ന ക്യാപ്ഷനോടെയാണ് സമീറ ചിത്രങ്ങള് പങ്കുവച്ചത്. 'എന്ത് എന്നെ കൂടെക്കൂട്ടാതെയോ' എന്ന് ചോദിച്ച് അമ്മായിയമ്മ കമന്റില് എത്തി. എന്തായാലും എന്ജോയ് ചെയ്യൂ എന്നും പറയുന്നുണ്ട്.
അടുത്തില്ലെങ്കിലും ഇരുവരും കമന്റിലൂടെ തങ്ങളുടെ ആരാധകരെ എന്റര്ടൈന് ചെയ്യിപ്പിയ്ക്കുന്നുവല്ലോ എന്നാണ് ആരാധകുടെ പക്ഷം. മക്കളെ അമ്മായിയമ്മയുടെ അടുത്താക്കിയാണ് സമീറ യാത്ര പോയത് എന്നതും ശ്രദ്ധേയം.
