കൊല്ക്കത്തയില് വനിതാ ഡോക്ടര് കൊലപ്പെട്ട സംഭവത്തില് പ്രതിഷേധം കനക്കുന്ന സാഹചര്യത്തില് ബലാത്സംഗ കേസ് പ്രതികള്ക്ക് വേഗത്തില് ശിക്ഷ ഉറപ്പാക്കുന്ന നിയമ ഭേദഗതിക്ക് ബംഗാല് സര്ക്കാര് നടപടി ആരംഭിച്ചു. അപരാജിത വുമണ് ആന്ഡ് ചൈല്ഡ് ബില് 2024 നാളെ നിയമസഭയില് അവതരിപ്പിക്കും.ഇന്ന ഇതിനായുള്ള പ്രത്യേക നിയമാസഭാ സമ്മേളനം തുടങ്ങി.
മുഖ്യമന്ത്രി മമത ബാനര്ജി ബില് സഭയില് അവതരിപ്പിക്കുമെന്നാണ് സൂചന. വനിതാ ഡോക്ടറുടെ കൊലപാതകത്തില് പ്രതിഷേധം കനക്കുന്ന സാഹചര്യത്തിലായിരുന്നു ഇത്തരം കേസിലെ പ്രതികള്ക്ക് വധശിക്ഷ ഉറപ്പാക്കുന്ന ബില് എന്ന പ്രഖ്യാപനം മമത നടത്തിയത്.
ബലാത്സംഗ കേസ് പ്രതികള്ക്ക് ജീവപര്യന്തം തടവുശിക്ഷയും, ഇര കൊല്ലപ്പെട്ടാല് വധശിക്ഷയും ഉറപ്പാക്കുന്നതാണ് നിയമ ഭേദഗതി. ഇന്നും നാളെയുമാണ് പ്രത്യേക സഭാ സമ്മേളനം നടക്കുക. ബില്ലിന്റെ കരട് തയാറാക്കുന്നതിനായി മന്ത്രിമാരുള്പ്പെട്ട പ്രത്യേക സമിതിയെ നേരത്തെ രൂപീകരിച്ചിരുന്നു. ബില് പാസാക്കി ?ഗവര്ണര്ക്ക് അയക്കുമെന്നും, ?ഗവര്ണര് ഒപ്പിട്ടില്ലെങ്കില് രാജ്ഭവന് മുന്നില് സമരമിരിക്കുമെന്നുമാണ് മമത പ്രഖ്യാപിച്ചിരിക്കുന്നത്. എന്നാല് നീക്കത്തിനെതിരെ കേന്ദ്ര സര്ക്കാര് ശക്തമായി എതിര്പ്പ് അറിയിച്ചിട്ടുണ്ട്. പ്രക്ഷോഭം ശക്തമായപ്പോള് ശ്രദ്ധ തിരിക്കാനുള്ള മമതയുടെ അടവാണിതെന്നാണ് ബി ജെ പിയുടെ വിമര്ശനം. സര്ക്കാറിന്റെ തെറ്റുകള് മറച്ചുപിടിക്കാനാണ് ഈ നീക്കണമെന്നും ബി ജെ പി വിമര്ശിച്ചു. നിലവില് രാജ്യത്താകെ ഒരു നിയമം നിലനില്ക്കേ ബം?ഗാളില് പ്രത്യേക നിയമം കൊണ്ടുവരേണ്ടതില്ലെന്നാണ് കേന്ദ്രസര്ക്കാര് നിലപാട്.
