ഒരു ദശകമായി ഇന്ത്യന് ടീമിന്റെ ബാറ്റിംഗിലെ നെടുന്തൂണുകളില് ഒന്നായ വിരാട്കോഹ്ലി ആഭ്യന്തരക്രിക്കറ്റിലേക്ക് മടങ്ങി വരുന്നു. ഡല്ഹിക്ക് വേണ്ടി ഈ സീസണില് രഞ്ജിട്രോഫി കളിക്കാനിറങ്ങുന്നെന്നാണ് പുതിയ വിവരം. 2024-25 സീസണിലെ രഞ്ജിക്കായി ഡല്ഹി ടീമിന്റെ സാധ്യതാപട്ടികയില് കോഹ്ലിയെ ഉള്പ്പെടുത്തി. ഇന്ത്യന് ടീമിലേക്ക് മടങ്ങിയെത്തിയ ഋഷഭ് പന്തിനെയും സാധ്യതാ പട്ടികയില് ഉള്പ്പെടുത്തിയിട്ടുണ്ട്.
ഒക്ടോബര് 11 മുതലാണ് ഇന്ത്യന് ക്രിക്കറ്റില് റെഡ്ബാള് ടൂര്ണമെന്റ് തുടങ്ങുന്നത്. ബംഗ്ളാദേശിനെതിരേ ഇന്ത്യയില് നടക്കുന്ന പരമ്പരയില് കളിക്കുന്നതിന് മുമ്പ് പന്ത് ദുലീപ് ട്രോഫിയില് കളിച്ചിരുന്നു. ഒക്ടോബര് 16 നാണ് ഇന്ത്യയും ന്യൂസിലന്റും തമ്മിലുള്ള ടെസ്റ്റ് പരമ്പര ആരംഭിക്കുന്നതിനാല് രഞ്ജിട്രോഫിയില് ആദ്യപാദം താരം കളിക്കാന് സാധ്യതയില്ല. ഇതിന് മുമ്പും കോഹ്ലി രഞ്ജി സാധ്യതാ പട്ടികയില് പെട്ടിട്ടുണ്ടെങ്കിലും കളിച്ചിട്ടില്ല. 2019-20 സീസണിലാണ് താരം സാധ്യതാ പട്ടികയില് പെട്ടത്.
കളിച്ചാല് 12 വര്ഷത്തിന് ശേഷമാണ് താരമെത്തുന്നത്. 2012-13 രഞ്ജി ട്രോഫി സീസണിന് ശേഷം കോഹ്ലി ഡല്ഹിക്ക് വേണ്ടി ഫസ്റ്റ് ക്ലാസ് ക്രിക്കറ്റ് കളിച്ചിട്ടില്ല. മുന് ഇന്ത്യന് ക്യാപ്റ്റനെ 2024 ദുലീപ് ട്രോഫിയില് കളിക്കുന്നതില് നിന്ന് ബിസിസിഐ ഒഴിവാക്കിയിരുന്നു. തിരക്കേറിയ ഷെഡ്യൂള് കാരണം, ഒക്ടോബര് 11 ന് ആരംഭിക്കുന്ന രഞ്ജിട്രോഫി 2024-25 സീസണിന്റെ ആദ്യ പാദം അദ്ദേഹത്തിന് കളിക്കാനായേക്കില്ല.
ആദ്യ പാദം. 2024-25 സീസണ് നവംബര് 16-ന് അവസാനിക്കും. കിവീസിനെതിരായ അവസാന ടെസ്റ്റ് നവംബര് 5 ന് അവസാനിക്കുകയും ബോര്ഡര് ഗവാസ്കര് ട്രോഫിയിലെ ആദ്യ മത്സരം നവംബര് 22 ന് ആരംഭിക്കുകയും ചെയ്യുന്നതിനാല്, കോഹ്ലി ഡല്ഹിക്ക് വേണ്ടി കളിക്കാന് സാധ്യതയില്ല. എന്നിരുന്നാലും, രണ്ടാം പാദത്തില് ഡല്ഹി രണ്ട് മത്സരങ്ങള് (ജനുവരി 23 മുതല് ഫെബ്രുവരി 2 വരെ) കളിക്കും, ആ സമയത്ത് കോഹ്ലി ഒരു പരമ്പരയും കളിക്കില്ല. അവിടെ അദ്ദേഹത്തിന് രഞ്ജി ട്രോഫിയില് ഡല്ഹിക്കായി കളിച്ചേക്കാം.
ഛത്തീസ്ഗഢിനെതിരായ ആദ്യ മത്സരത്തിന് മുമ്പ് ഡല്ഹി ആന്റ് ഡിസ്ട്രിക്റ്റ് ക്രിക്കറ്റ് അസോസിയേഷന് (ഡിഡിസിഎ) തിരഞ്ഞെടുത്ത 84 കളിക്കാരില് കോഹ്ലിയും ഉള്പ്പെടുന്നു. ഋഷഭ് പന്ത്, ഹര്ഷിത് റാണ തുടങ്ങിയ മറ്റ് ടീം ഇന്ത്യ കളിക്കാരും ഉണ്ട്. വെറ്ററനും ഡല്ഹി ഇതിഹാസവുമായ ഇഷാന്ത് ശര്മ്മയെ ടീമില് എടുത്തിട്ടില്ല. 'തിരഞ്ഞെടുത്ത കളിക്കാര്ക്കുള്ള ഫിറ്റ്നസ് ടെസ്റ്റ് 2024 സെപ്റ്റംബര് 26-ന് നടക്കും. നിലവില് അന്താരാഷ്ട്ര ഡ്യൂട്ടിയിലുള്ള കളിക്കാരെ ഈ ഫിറ്റ്നസ് ടെസ്റ്റില് നിന്ന് ഒഴിവാക്കിയിട്ടുണ്ട്,' ഡിഡിസിഎ റിലീസ് വായിക്കുന്നു.
