തോക്കുമായി ബാങ്കിലെത്തി ഒരാള് ജീവനക്കാരെ ഭീഷണിപ്പെടുത്തിയശേഷം 40 രൂപയുമായി കടന്നു കളഞ്ഞു. ഉത്തര്പ്രദേശിലെ ഷാംലി ജില്ലയിലെ ഒരു സ്വകാര്യ ബാങ്കിലാണ് സംഭവം. ഷാംലിലെ ധീമന്പുരയിലുള്ള ആക്സിസ് ബാങ്ക് ശാഖയില് ഉച്ചയോടെയാണ് സംഭവം നടന്നത്.
ഇയാള് കസ്റ്റമറെ എന്ന വ്യാജേനയാണ് ബാങ്കിലെത്തിയത്. തുടര്ന്ന് ലോണ് കുടിശ്ശികയുമായി ബന്ധപ്പെട്ട കാര്യങ്ങള് സംസാരിക്കണമെന്ന് ആവശ്യപ്പെട്ടാണ് മാനേജരുടെ അടുത്ത് എത്തിയതത്രേ. താന് 38. 5 ലക്ഷം രൂപ വായ്പയെടുത്തതിന്റെ തിരിച്ചടവ് മുടങ്ങിയെന്നും അതിനാല് തന്റെ സ്വത്ത് നഷ്ടപ്പെടാന് സാധ്യതയുണ്ടെന്നുമാണ് ഇയാള് ക്യാബിനിലെത്തിയ ശേഷം പറഞ്ഞത് എന്നാണ് ആക്സിസ് ബാങ്ക് മാനേജര് നവീന് ജെയിന് പറഞ്ഞത്.
പിന്നീട് തന്റെ ബാഗില് ഒരു ആത്മഹത്യാക്കുറിപ്പും തോക്കും ഉണ്ട്. അതുകൊണ്ട് എത്രയും പെട്ടന്ന് തനിക്ക് അവിടെയുള്ള പണം തരണമെന്നും ഇയാള് മാനേജരെ ഭീഷണിപ്പെടുത്തി. അതോടെ ഭയന്നുപോയ മാനേജര് കാഷ്യറായ രോഹിത്തിനെ വിളിക്കുകയും പണം ഇയാള്ക്ക് കൈമാറാന് ആവശ്യപ്പെടുകയും ചെയ്തു.
പണം കിട്ടിയ ഉടനെ തന്നെ യുവാവ് തന്റെ ബൈക്കില് അവിടെ നിന്നും സ്ഥലം വിടുകയായിരുന്നു എന്നും റിപ്പോര്ട്ടുകള് പറയുന്നു. 40 ലക്ഷം രൂപ നല്കാനാണ് വന്നയാള് ആവശ്യപ്പെട്ടത്. അത് നല്കിയില്ലെങ്കില് കൊന്നു കളയുമെന്നും ഭീഷണിപ്പെടുത്തി മാനേജര് നവീന് ജെയിന് പോലീസിനോട് പറഞ്ഞു.
