തെന്നിന്ത്യയില് തിളങ്ങി നില്ക്കുന്ന താരമായ വേദികയ്ക്ക് മലയാളത്തില് ഒരുപാട് ആരാധകരുണ്ട്. താരത്തിന്റെ ക്യൂട്ട് ലുക്കിന് നിറഞ്ഞ കൈയടിയാണ് മലയാള സിനിമാപ്രേക്ഷകര് നല്കിയിട്ടുള്ളത്. ദിലീപിന്റെയും കുഞ്ചാക്കോ ബോബന്റെയും നായികയായി തിളങ്ങിയ താരം സോഷ്യല്മീഡിയയിലും സജീവമാണ്.
ഇപ്പോഴിതാ വേദിക സോഷ്യല് മീഡിയയില് പങ്കുവച്ച ചിത്രങ്ങളാണ് വൈറലാകുന്നത്. വേദിക ഫോർ യു എന്ന ഇൻസ്റ്റഗ്രാം പേജില് പങ്കുവച്ച ചിത്രങ്ങള്ക്ക് ഫിയർ പ്രമോഷൻസ് എന്നാണ് താരം ഹാഷ്ടാഗ് നല്കിയിരിക്കുന്നത്. ബ്ലാക്ക് കോ ഓര്ഡ് സെറ്റില് സ്റ്റൈലിഷ് ലുക്കിലാണ് താരത്തെ ചിത്രങ്ങളില് കാണുന്നത്. പ്രണതിവർമ ഡിസൈൻ ചെയ്ത കറുത്ത ലൂസ് ഫിറ്റ് പാൻസും മോഡേണ് ബ്ലൗസ് ഡച്ച് അപ്പുമാണ് താരം ധരിച്ചിരിക്കുന്നത്. ആറ്റിറ്റ്യൂട്ട് ലുക്കുമായിട്ടാണ് താരം ചിത്രങ്ങളില് നിറഞ്ഞു നില്ക്കുന്നത്.
സെലിബ്രിറ്റി ഫോട്ടോഗ്രാഫറായ അഭിഷേക് പലതിയാണ് വേദികയുടെ ചിത്രങ്ങളും പകർത്തിയിരിക്കുന്നത്. വേദികയുടെ ആറ്റിറ്റ്യൂട്ട് കലർന്ന പുതിയ ചിത്രങ്ങള്ക്ക് മികച്ച പ്രതികരണങ്ങളാണ് ലഭിച്ചുകൊണ്ടിരിക്കുന്നത്. നിരവധി ആരാധകരാണ് താരത്തിന് കമന്റുകളിലൂടെ സുന്ദരിയെന്ന് കമന്റുകളിടുന്നത്.
വേദിക അഭിനയ രംഗത്തേക്ക് എത്തിയത് തമിഴ് ചിത്രമായ മദ്രാസിയിലൂടെയാണ്. ‘ദ ബോഡി’ എന്ന ചിത്രത്തിലൂടെ ബോളിവുഡിലും താരം അരങ്ങേറ്റം കുറിച്ചു. ദിലീപ് നായകനായ ‘ശൃംഗാരവേലനാ’ണ് വേദികയുടെ ആദ്യ മലയാള ചിത്രം. പിന്നീട് കുഞ്ചാക്കോ ബോബന്റെയും പൃഥ്വിരാജിന്റെയും നായികയായി തിളങ്ങി. കസിൻസ്, ജെയിംസ് ആൻഡ് ആലീസ്, വെല്ക്കം ടു സെൻട്രല് ജെയില് എന്നിവയാണ് വേദിക അഭിനയിച്ച മലയാള ചിത്രങ്ങള്. അടുത്തിടെ തിയേറ്രറുകളില് റിലീസ് ചെയ്ത പ്രഭുദേവ നായകനായ പേട്ടറാപ്പ് എന്ന ചിത്രത്തിലാണ് താരം അവസാനമായി അഭിനയിച്ചത്.
