മഞ്ജു പിള്ളയുടെ സ്റ്റൈലും ട്രെന്റും ഇപ്പോള് സോഷ്യല് മീഡിയയില് വൈറലാണ്. ഡ്രസ്സിങിന്റെ കാര്യത്തിലും മേക്കപ്പിന്റെ കാര്യത്തിലും എല്ലാം ഓരോ ദിവസം കഴിയുന്തോറും മഞ്ജു പിള്ള കൂടുതല് ശ്രദ്ധിക്കുന്നു. മകള് ദയ സുജിത്തും ഫാഷന്റെയും ട്രെന്റിന്റെയും കാര്യത്തില് ഒട്ടും പിന്നിലല്ല. മകളും അമ്മയും തമ്മില് മത്സരമാണോ എന്ന് ചോദിക്കാത്തവരും ഇല്ല.
ഇപ്പോഴിതാ പുതിയ ചിത്രവുമായി എത്തിയിരിക്കുകയാണ് മഞ്ജു പിള്ള. അതില് ഇപ്പോഴുള്ള തന്റെ പ്രണയം എന്താണെന്നും നടി വ്യക്തമാക്കുന്നുണ്ട്. സ്വപ്ന മന്ത്ര ഡിസൈന് ചെയ്ത കാഞ്ചീവരം സാരിയാണ് മഞ്ജു പിള്ള ധരിച്ചിരിയ്ക്കുന്നത്. ആ ഡ്രസ്സിങിനൊപ്പം ഇണങ്ങുന്ന ജോയ് കൊരട്ടിയുടെ മേക്കപ് ആണ് ഹൈലൈറ്റ്. അതിലാണ് മഞ്ജുവിനൊരു ക്ലാസിക് ലുക്ക് വരുന്നത്. നേവി ബ്ലൂ സാരിയില് അതി സുന്ദരിയായ മഞ്ജുവിന്റെ ഫോട്ടോ ആരാധകര് ഏറ്റെടുത്തു കഴിഞ്ഞു.
തനിക്ക് തന്നോടു തന്നെയുള്ള ഇഷ്ടം കൂടുമ്പോള് ഇതുപോലെ സുന്ദരിയാവുന്നത് സ്വാഭാവികമാണ്. സെല്ഫ് ലവ് എന്ന ക്യാപ്ഷനോടെയാണ് മഞ്ജു പിള്ള ചിത്രങ്ങള് പങ്കുവച്ചിരിയ്ക്കുന്നത്. എന്ന് കരുതി ഇങ്ങനെയോ എന്നാണ് ആരാധകരുടെ ചോദ്യം. 'ഇത് ഇവിടെ നടക്കില്ല, ഇങ്ങനെ ചുന്ദരിയാവാന് പറ്റില്ല' എന്ന് പറഞ്ഞ് ഒരു ചിരി ഇരു ചിരി ബംബര് ചിരി എന്ന ഷോയിലൂട ശ്രദ്ധേയയായ താരം മായ വി എത്തിയിട്ടുണ്ട്
വീണ നായര്, സോണിയ ബോസ്, താര കല്യാണ്, ദേവനന്ദ, ജുനൈസ്, ബീന ആന്റണി തുടങ്ങി നിരവധി സെലിബ്രിറ്റികളും ഫോട്ടോയ്ക്ക് ലൈക്കും കമന്റുമായി എത്തുന്നു. പ്രായം പിന്നോട്ട് പോകുന്നത് പോലെ തോന്നുന്നു എന്നാണ് നിവി നിവേദ് ആന്റണിയുടെ കമന്റ്. മഞ്ജു പിള്ളയുടെ സൗന്ദര്യത്തില് മയങ്ങിയ ആരാധകരുടെ കമന്റുകളും ചിത്രത്തിന് താഴെ വരുന്നുണ്ട്.
