ന്യൂഡല്ഹി: പ്രമുഖ സാമ്പത്തിക വിദഗ്ധനും പ്രധാനമന്ത്രി നരേന്ദ്ര മോദിയുടെ സാമ്പത്തിക ഉപദേശക സമിതി ചെയര്മാനുമായ ബിബേക് ദെബ്രോയ് (69) അന്തരിച്ചു. പദ്മശ്രീ അവാര്ഡ് ജേതാവ് കൂടിയാണദ്ദേഹം. പ്രധാനമന്ത്രി നരേന്ദ്ര മോദി അനുശോചനം അറിയിച്ചു.
മഹാഭാരതവും ഭഗവദ് ഗീതയും ഉള്പ്പെടെയുള്ള ക്ലാസിക്കല് സംസ്കൃത ഗ്രന്ഥങ്ങള് വിവര്ത്തനം ചെയ്തിട്ടുമുണ്ട് അദ്ദേഹം.പുണെ ഗോഖലെ ഇന്സ്റ്റിറ്റ്യൂട്ട് ഓഫ് പൊളിറ്റിക്സ് ആന്ഡ് ഇക്കണോമിക്സിന്റെ (ജി.ഐ.പി.ഇ.) ചാന്സലര് സ്ഥാനത്ത് നിന്ന് അദ്ദേഹം അടുത്തിടെ രാജിവെച്ചിരുന്നു.
രാജ്യത്തിന്റെ സാമ്പത്തിക നയങ്ങള് രൂപപ്പെടുത്തുന്നതില് നിര്ണായക പങ്കുവഹിച്ചിട്ടുള്ള ബിബേക് ദെബ്രോയ് എഴുത്തുകാരൻ കൂടിയാണ്. സ്ഥാപനത്തിന്റെ വൈസ് ചാന്സലര് അജിത്റാനഡെയെ ദേബ്രോയ് പിരിച്ചുവിട്ട നടപടി ബോംബെ ഹൈക്കോടതി തടഞ്ഞ പശ്ചാത്തലത്തിലായിരുന്നു അദ്ദേഹത്തിൻറെ രാജി.
