കേരളവും തമിഴ്നാടും ബിജെപിയില് നിന്ന്ഭീഷണി നേരിടുകയാണെന്നും അതിനെ ഒരുമിച്ച് നിന്ന് പ്രതിരോദിക്കണമെന്നും തമിഴ്നാട് ഉപമുഖ്യമന്ത്രി ഉദയനിധി സ്റ്റാലിന്. കേരളത്ിലും തമിഴ്നാട്ടിലും പുരോഗമന ശക്തികളുടെ സ്വാധീനം കൊണ്ടാണ് ഫാഷിസ്റ്റ് ശക്തികള്ക്ക് ഇടം ലബിക്കാത്തതെന്നും അദ്ദേഹം വ്യക്തമാക്കി.
കേരളവുമായി തമിഴ്നാടിന് വളരെ മുമ്പ് തന്നെ അടുപ്പമുണ്ട്. ഫാസിസത്തിനെതിരെ കേരളവും തമിഴ്നാടും പൊരുതുന്നു. തമിഴ് വ്യക്തിത്വത്തിന്റെ കേന്ദ്രം ദ്രാവിഡ മൂവ്മെന്റാണ്. സാമൂഹിക മാറ്റത്തിനുള്ള ഉപാധിയായാണ് അത് ഭാഷയെയും സാഹിത്യത്തെയും കണ്ടതെന്നും ഉദയനിധി പറഞ്ഞു.
'ഒരു രാജ്യം, ഒരു തെരഞ്ഞെടുപ്പ്, ഒരു സംസ്കാരം' എന്നതാണ് ബിജെപിയുടെ ലക്ഷ്യം. കേന്ദ്രീകൃത പരീക്ഷകളെ ഡിഎംകെ എതിര്ക്കും. ഹിന്ദി ഭാഷ അടിച്ചേല്പ്പിക്കുന്നതും സംസ്കൃതത്തിന് പ്രാധാന്യം നല്കുന്നതും ഡിഎംകെ ശക്തമായി എതിര്ക്കും.
ഉത്തരേന്ത്യയിലെ പല ഭാഷകള്ക്കും സ്വന്തമായ സിനിമാ വ്യവസായമില്ല. മിക്കതും ദുര്ബലമാണ്. ബോളിവുഡ് അവയെ വിഴുങ്ങി. ദക്ഷിണേന്ത്യന് സിനിമകള്ക്ക് അത് സംഭവിച്ചില്ല. അവ സ്വന്തം വ്യക്തിത്വം നിലനിര്ത്തി.
ഫാഷിസ്റ്റുകള് കവിതയിലും സാഹിത്യത്തിലും കാവി പൂശാന് ശ്രമിക്കുന്നു. കേരളത്തിനും തമിഴ്നാടിനും തങ്ങളുടെ സംസ്കാരത്തോട് സ്നേഹമുണ്ട്. നമ്മുടെ സംസ്കാരത്തിനും പാരമ്പര്യത്തിനും വേണ്ടി ഒരുമിച്ച് നില്ക്കണം.
