സോള്: ജനാധിപത്യത്തെ മുറുകെപിടിച്ച് ജനം തെരുവില് ഇറങ്ങിയതോടെ ദക്ഷിണ കൊറിയയില് അപ്രതീക്ഷിതമായി പ്രഖ്യാപിച്ച അപ്രതീക്ഷിത പട്ടാളനിയമം പ്രഖ്യാപിച്ച് ആറു മണിക്കൂര് പിന്നിടും മുമ്പായി പിന്വലിച്ചു. ദക്ഷിണ കൊറിയന് പ്രസിഡന്റ് യൂന് സുക് യോള് ചൊവ്വാഴ്ച രാത്രിയാണ് രാജ്യത്തെ ഞെട്ടിച്ചുകൊണ്ട് പട്ടാള നിയമം പ്രഖ്യാപിച്ചത്. പ്രഖ്യാപനത്തിനെതിരെ വോട്ടുചെയ്യാന് നിയമനിര്മ്മാതാക്കള് സുരക്ഷാ സേനയെ വെല്ലുവിളിക്കുകയും ആയിരക്കണക്കിന് പ്രതിഷേധക്കാര് തെരുവിലിറങ്ങുകയും ചെയ്തതോടെ മണിക്കൂറുകള്ക്കകം പിന്വലിച്ചു.
ഉത്തര കൊറിയയില് നിന്നുള്ള 'ഭീഷണി' ഉദ്ധരിച്ചും ദക്ഷിണ കൊറിയയിലെ പ്രധാന പ്രതിപക്ഷ പാര്ട്ടിയെ ആക്ഷേപിച്ചും ചൊവ്വാഴ്ച രാത്രി വൈകി നടന്ന നാടകീയമായ ടെലിവിഷന് പ്രസംഗത്തിലായിരുന്നു പ്രസിഡന്റ് യൂന് സുക് യോള് അടിയന്തര സൈനിക നിയമം പ്രഖ്യാപിച്ചത്്. 1980 ന് ശേഷം ആദ്യമായാണ് കിഴക്കന് ഏഷ്യന് രാജ്യത്ത് ഇത് പ്രഖ്യാപിക്കുന്നത്. രാഷ്ട്രത്തെ അഭിസംബോധന ചെയ്തുകൊണ്ട് പ്രസിഡന്റ് യൂണ് പറഞ്ഞു, 'ഉത്തര കൊറിയയുടെ കമ്മ്യൂണിസ്റ്റ് ശക്തികള് ഉയര്ത്തുന്ന ഭീഷണികളില് നിന്ന് ഒരു ലിബറല് ദക്ഷിണ കൊറിയയെ സംരക്ഷിക്കാനും വിരുദ്ധരെ ഇല്ലാതാക്കാനും വേണ്ടിയാണ് പ്രഖ്യാപനമെന്നായിരുന്നു ന്യായീകരണം. എന്നാല് പ്രഖ്യാപിച്ച് ആറ് മണിക്കൂറിനുള്ളില് തന്നെയൂണിന് പട്ടളനിയമം പിന്വലിക്കേണ്ടിയും വന്നു.
2022 ല് പ്രസിഡന്റായി തിരഞ്ഞെടുക്കപ്പെട്ട 63 കാരനായ യൂന് - 'വിപ്ലവ' ശ്രമത്തിന്റെ പേരില് ഉടന് സ്ഥാനമൊഴിയണമെന്ന് ഡെമോക്രാറ്റിക് പാര്ട്ടി ആവശ്യപ്പെട്ടു. അദ്ദേഹം 'ഉടന്' രാജിവച്ചില്ലെങ്കില് അദ്ദേഹത്തിനെതിരെ ഇംപീച്ച്മെന്റ് നടപടികള് ആരംഭിക്കുമെന്നും പാര്ട്ടി അറിയിച്ചു. 'യുക്തിരഹിതവും ജനാധിപത്യ വിരുദ്ധവുമായ നടപടി' യില് അദ്ദേഹം രാജിവയ്ക്കുന്നത് വരെ ദക്ഷിണ കൊറിയയിലെ പ്രധാന തൊഴിലാളി യൂണിയന് ഗ്രൂപ്പും 'അനിശ്ചിതകാല പൊതു പണിമുടക്ക്' ആഹ്വാനം ചെയ്തു. യൂണിന്റെ പീപ്പിള് പവര് പാര്ട്ടി ഈ വര്ഷം ഏപ്രിലില് നടന്ന പാര്ലമെന്റ് തെരഞ്ഞെടുപ്പില് വന് തോല്വി ഏറ്റുവാങ്ങി. പ്രതിപക്ഷ പാര്ട്ടികള്ക്ക് മൂന്നില് രണ്ട് സീറ്റുകളും നേടിയിരുന്നു.
ആണവായുധങ്ങളുള്ള ഉത്തരകൊറിയയില് നിന്ന് സംരക്ഷിക്കുന്നതിനായി ദക്ഷിണ കൊറിയയില് ഏകദേശം 30,000 സൈനികരെ നിലയുറപ്പിച്ചിരിക്കുന്ന യുണൈറ്റഡ് സ്റ്റേറ്റ്സ്, സംഭവങ്ങളെ 'കടുത്ത ഉത്കണ്ഠയോടെ' വീക്ഷിക്കുകയാണെന്ന് ആദ്യം പറഞ്ഞു. ഉത്തരകൊറിയയുടെ പ്രധാന സഖ്യകക്ഷിയായ ചൈന, തങ്ങളുടെ പൗരന്മാരോട് ജാഗ്രത പാലിക്കാന് അഭ്യര്ത്ഥിച്ചു. പ്യോങ്യാങ്ങിനോട് അടുത്തുനില്ക്കുന്ന റഷ്യയും സ്ഥിതിഗതികളെ 'അപകടകരം' എന്ന് വിശേഷിപ്പിച്ചു. അടുത്തിടെ യൂണിന്റെ അംഗീകാര റേറ്റിംഗ് ഇടിഞ്ഞതിനെ തുടര്ന്നാണ് സൈനിക നിയമം ഏര്പ്പെടുത്തിയത്, അദ്ദേഹത്തിന്റെ സമ്പദ്വ്യവസ്ഥ കൈകാര്യം ചെയ്യുന്നതിലും ഭാര്യ കിം കിയോണ് ഹീ ഉള്പ്പെട്ട വിവാദങ്ങളിലും പലരും അതൃപ്തി പ്രകടിപ്പിച്ചിരിക്കുകയാണ്.
