മലയാള സിനിമയിലെ മറ്റൊരു മാതൃകാ ദമ്പതിമാരായി തുടരുന്ന പൂര്ണിമയുടെയും ഇന്ദ്രജിത്തിന്റെയും വിവാഹ വാര്ഷികമായിരുന്നു ഇന്നലെ. പൂര്ണിമയും ഇന്ദ്രജിത്തും വിവാഹബന്ധത്തിലൂടെ ഒന്നിച്ചിട്ട് ഡിസംബര് 13 ന് 22 വര്ഷങ്ങള് പൂര്ത്തിയാകുന്നു. വിവാഹ വാര്ഷികത്തോട് അനുബന്ധിച്ച് രണ്ടുപേരും സോഷ്യല് മീഡിയ പോസ്റ്റുമായി എത്തി. ആശംസകളുമായി പൃഥ്വിരാജും ഇന്സ്റ്റഗ്രാമില് എത്തിയിട്ടുണ്ട്.
ഇന്ന് പൂര്ണിമയെ സംബന്ധിച്ച് വിവാഹ വാര്ഷികം മാത്രമല്ല, നടിയുടെ ജന്മദിനം കൂടെയാണ്. പ്രിയപ്പെട്ടവള്ക്ക് വിവാഹ വാര്ഷികവും, ജന്മദിനവും ആശംസിച്ചുകൊണ്ടാണ് ഇന്ദ്രജിത്തിന്റെ ഇന്സ്റ്റഗ്രാം പോസ്റ്റ്. പിന്നാലെ ആനിവേഴ്സറി ആശംസയുമായി പൂര്ണിമയും എത്തി.
പ്രായത്തിന്റെ കാര്യത്തില് ഇന്ദ്രജിത്തിനെക്കാള് സീനിയറാണ് പൂര്ണിമ. ഒരു ടെലിവിഷന് ഷോയില് പൂര്ണിമ തന്നെയാണ് ഇക്കാര്യം തുറന്നു പറഞ്ഞത്. അന്ന് എനിക്ക് 21 ഉം അവന് 20 ആണ് പ്രായം എന്ന് പ്രണയ കഥ പറയുന്നതിനിടെ പൂര്ണിമ വെളിപ്പെടുത്തുകയായിരുന്നു.
ഇന്ന് ഇന്ദ്രന് പഠിച്ചുകൊണ്ടിരിയ്ക്കുകയാണ്. പൂര്ണിമ അഭിനേത്രിയും. തമിഴ് ടെലിവിഷന് സീരിയലുകളിലൂടെ അഭിനയ ലോകത്തേക്ക് എത്തിയ പൂര്ണിമ പിന്നീട് മലയാളത്തില് സജീവമായി. സിനിമകളില് ചെറിയ റോളുകളും ചെയ്യുന്നുണ്ടായിരുന്നു. പൂര്ണിമയും മല്ലികയും ഒന്നിച്ചഭിനയിക്കുന്ന സീരിയലില്, അമ്മയെ പിക്ക് ചെയ്യാന് വന്നതാണ് ഇന്ദ്രജിത്ത്. അവിടെ വച്ചാണ് പൂര്ണിമയെ കാണുന്നത്. ആദ്യ കാഴ്ചയില് തന്നെ അവരുടെ കണ്ണുകള് ഉടക്കി.
പിന്നീട് ക്ലാസ് കട്ട് ചെയ്തൊക്കെ അമ്മയെ പിക്ക് ചെയ്യാന് വരാന് ഇന്ദ്രന് ആവേശം കാണിച്ചതായി മല്ലിക സുകുമാരന് തന്നെ വെളിപ്പെടുത്തിയിട്ടുണ്ട്. ചെറിയ സംശയം അന്നേ തോന്നിയിരുന്നു. പക്ഷേ മകന്റെ ഇഷ്ടത്തിന് അമ്മ എതിരായിരുന്നില്ല. 2022 ല് ആണ് പൂര്ണിമയുടെയും ഇന്ദ്രജിത്തിന്റെയും ലളിതമായ വിവാഹം നടന്നത്. പ്രാര്ത്ഥനയും നക്ഷത്രയുമാണ് മക്കള്.
