മലപ്പുറം: ക്ഷേത്ര പരിപാടിക്കിടെ ആന ഇടഞ്ഞതിനെ തുടര്ന്ന് നിരവധി പേര്ക്ക് പരിക്ക്. മദമിളകിയ ആന കാലില് തൂക്കിയെറിഞ്ഞതിനെ തുടര്ന്ന് ഒരാള് ഗുരുതരമായി പരിക്കേറ്റ നിലയില് ആശുപത്രിയിലാണ്.
ഇരുപതിലധികം പേര്ക്ക് പരിക്കേറ്റു. പ്രാദേശികമായി ഏറെ പ്രശസ്തമായ പുതിയങ്ങാടി നേര്ച്ചയ്ക്കിടെ പാക്കത്ത് ശ്രീക്കുട്ടന് എന്ന ആന ഇടയുകയായിരുന്നു. നേര്ച്ചയുടെ സമാപനദിവസമായ ഇന്നലെ രാത്രി 12.30 നാണ് സംഭവം. പുലര്ച്ചെ 2.15 യോടെയാണ് ഇടഞ്ഞ ആനയെ തളയ്ക്കാനായത്. നിരവധിപേര്ക്ക് സംഭവത്തില് പരിക്കേറ്റിട്ടുണ്ട്. ഒരാളെ ആന തുമ്പിക്കൈയ്ക്ക് ചുഴറ്റിയെറിഞ്ഞു. ഇയാള്ക്ക് ഗുരതര പരിക്കുണ്ട്.
തിക്കിലും തിരക്കിലും പെട്ടാണ് നിരവധിപേര്ക്ക് പരിക്കേറ്റത്. പാപ്പാന് ഇടപെട്ട് ആനയെ തളച്ചതോടെ കൂടുല് അപകടം ഒഴിവായി. ഇരുപത്തെട്ടോളം പേരാണ് ചികിത്സ തേടിയത്. പ്രാഥമിക ചികിത്സ നേടിയതിന് ശേഷം പലരും ആശുപത്രി വിട്ടിട്ടുണ്ട്.
അപകടത്തില് പരിക്കേറ്റവരില് രണ്ട് പേര് കോട്ടക്കലില് സ്വകാര്യ ആശുപത്രിയില് ചികിത്സയില് തുടരുകയാണ്. ഇതില് ഒരാളുടെ സ്ഥിതി ഗുരുതരമായി തുടരുകയാണ്. ആന ഇടയുന്നതിന്റെയും ഒരാളെ തൂക്കിയെറിയുന്നതിന്റെ ദൃശ്യങ്ങള് സാമൂഹ്യമാധ്യമങ്ങളില് പ്രചരിക്കുന്നുണ്ട്.
