മുംബൈ: പത്തുവര്ഷത്തിന് ശേഷം ആഭ്യന്തരക്രിക്കറ്റിലേക്ക് തിരിച്ചുവരവ് നടത്തിയ ഇന്ത്യന് നായകന് രോഹിത്ശര്മ്മയ്ക്ക് കാര്യങ്ങളൊന്നും ശരിയാംവണ്ണം നടക്കുന്നില്ല. ആദ്യ ഇന്നിംഗ്സില് മൂന്ന് റണ്സ് എടുത്തു പുറത്തായ താരം രണ്ടാം ഇന്നിംഗ്സില് 28 റണ്സുമായി മടങ്ങി. രഞ്ജിട്രോഫി ക്രിക്കറ്റില് ജമ്മുകശ്മീരിനെതിരേയുള്ള മത്സരത്തില് രണ്ടാം ഇന്നിംഗ്സില് അല്പ്പം കൂടി മെച്ചപ്പെട്ടെങ്കിലും സ്കോര് അര്ദ്ധ സെഞ്വറിയില് പോലും എത്തിക്കാന് ഇന്ത്യന് നായകന് കഴിഞ്ഞില്ല.
35 പന്തുകള് നേരിട്ടതാരം 28 റണ്സ് എടുത്താണ് മടങ്ങിയത്. രണ്ടു ബൗണ്ടറികളും മൂന്ന് സിക്സറുകളും പറത്തി. അതേസമയം ആദ്യ ഇന്നിംഗ്സില് 19 പന്ത് രോഹിത്ശര്മ്മ നേരിട്ടു. 14 ാമത്തെ ഓവറില് ഇന്ത്യന് നായകന് മടങ്ങി. യുവതാരം യശ്വസ്വീ ജെയ്സ്വാളിനൊപ്പം ഇന്നിംഗ്സ് ഓപ്പണ് ചെയ്ത രോഹിത് രണ്ടാം ഇന്നിംഗ്സില് പുറത്തായത് ടീമിന് മികച്ച തുടക്കമിട്ടു കൊടുത്ത ശേഷമായിരുന്നു. രണ്ടുപേരും ചേര്ന്ന് ഓപ്പണിംഗില് 54 റണ്സ് കൂട്ടുകെട്ടുണ്ടാക്കി. സമാന വിധി നേരിട്ട ജെയ്സ്വാള് 51 പന്തില് 26 റണ്സ് നേടി മടങ്ങി.
ഒടുവില് യുദ്ധ്വീറിനെതിരേ ഒരു പൂള്ഷോട്ടിന് ശ്രമിച്ച രോഹിതിന് പന്ത് കൃത്യമായി ബാറ്റില് കൊള്ളിക്കുന്നത് പരാജയപ്പെട്ട് അബിദ് മുതാഖിന്റെ കയ്യിലെത്തി. യുദ്ധ്വീര് തന്നെയായിരുന്നു ജെയ്സ്വാളിനെയും മടക്കിയത്. യാവര് ഹസനായിരുന്നു ക്യാച്ച്്. അടുത്തിടെ പങ്കെടുത്ത എല്ലാ ടെസ്റ്റ് മാച്ചിലും വന് തിരിച്ചടി നേരിട്ടതോടെയാണ് രോഹിത്ശര്മ്മ രഞ്ജി ടീമിലേക്ക് മടങ്ങിയെത്തിയത്. ബംഗ്ളാദേശിനെതിരേ മുതല് മങ്ങിയ ഫോം കാട്ടിയ രോഹിത് പിന്നാലെ ന്യുസിലന്റ് പര്യടനത്തിലും ഓസ്ട്രേലിയയിലും വന് പരാജയമായിരുന്നു. ന്യൂസിലന്റിനെതിരേ മൂന്ന് ടെസ്റ്റുകളിലായി 91 റണ്സും ഓസ്ട്രേലിയയ്ക്ക് എതിരേ മൂന്ന് കളികളില് നിന്നും ആറ് ഇന്നിംഗ്സിലുമായി 31 റണ്സുമാണ് താരം നേടിയത്.
