കൊച്ചി: 2025-26 ലെ കേന്ദ്ര ബജറ്റിന് മുന്നോടിയായി രാജ്യത്തെ വാണിജ്യ പാചക വാതക സിലിണ്ടറിന്റെ വിലയില് ആറു രൂപ കുറവ് വന്നു. ഇതോടെ, കൊച്ചിയില് 1812 ഉണ്ടായിരുന്ന 19 കിലോ സിലിണ്ടറിന്റെ വില 1806 രൂപയായി.
തുടര്ച്ചയായ രണ്ടാം മാസമാണ് വാണിജ്യ എല്പിജി സിലിണ്ടറുകളുടെ നിരക്ക് കുറയ്ക്കുന്നത്. അതേസമയം ഗാര്ഹികാവശ്യത്തിനുള്ള സിലിണ്ടര് വിലയില് മാറ്റമുണ്ടായിട്ടില്ല.
ഇന്നത്തെ കണക്കനുസരിച്ച്, ദില്ലിയില് 19 കിലോഗ്രാം വാണിജ്യ എല്പിജി സിലിണ്ടറിന്റെ വില 1,804 രൂപയില് നിന്ന് 1,797 രൂപയായി കുറഞ്ഞു. ധനമന്ത്രി നിര്മല സീതാരാമന് ഇന്ന് കേന്ദ്ര ബജറ്റ് അവതരിപ്പിക്കുകയാണ്.
ഇതിന് മുന്നോടിയായിട്ടാണ് വാണിജ്യ പാചക വാതക സിലിണ്ടന്റെ വില കുറഞ്ഞത്. ദൈനംദിന ആവശ്യങ്ങള്ക്കായി സിലിണ്ടര് ഉപയോഗിക്കുന്ന ഹോട്ടലുകള്, കടകള്, മറ്റ് വാണിജ്യ സ്ഥാപനങ്ങള് എന്നിവിടങ്ങളില് വില കുറഞ്ഞത് ആശ്വാസമാകും.
