മലയാള സിനിമാപ്രേക്ഷകര്ക്കും കുടുംബപ്രേക്ഷകര്ക്കും ഏറെയിഷ്ടമുള്ള താരദമ്പതിമാരാണ് ഗോവിന്ദ് പത്മസൂര്യയും ഗോപിക അനിലും. ബാലതാരമായി ബിഗ് സ്ക്രീനിലൂടെ അരങ്ങേറ്റം കുറിച്ച ഗോപിക പിന്നീട് തിളങ്ങിയത് കുടുംബപ്രേക്ഷകര് കൈ നീട്ടി സ്വീകരിച്ച ‘സാന്ത്വനം’ എന്ന സിരിയലിലെ അഞ്ജലി എന്ന കഥാപാത്രമായിട്ടാണ്.
ഗോപിക തന്റെ ജീവിതപങ്കാളിയാക്കിയത് മലയാള സിനിമാപ്രേക്ഷകരുടെ മനസ്സിലിടം പിടിച്ച ഗോവിന്ദ് പത്മസൂര്യയെയാണ്. നടനെന്നതിൽ ഉപരി അവതാരകൻ എന്ന നിലയിൽ പ്രേക്ഷകരുടെ മനസിൽ ഇടംപിടിച്ച താരമാണ് ഗോവിന്ദ് പത്മസൂര്യ. ഡി ഫോർ ഡാൻസ് എന്ന റിയാലിറ്റി ഷോയാണ് പ്രേകരുടെ ഇഷ്ടം പിടിച്ചുപറ്റാൻ താരത്തെ സഹായിച്ചത്. ഇരുവരുടെയും വിവാഹാഘോഷങ്ങളും പിന്നീടുള്ള ഓരോ വിശേഷങ്ങളും സോഷ്യല് മീഡിയയിലൂടെ താരദമ്പതിമാര് പങ്കിടാറുണ്ട്. ഇരുവരും പങ്കിടുന്ന ചിത്രങ്ങള്ക്കും വീഡിയോകള്ക്കും ആരാധകരും ഏറെയാണ്.
ഇപ്പോഴിതാ ലോകത്തിലെ അവസാന നഗരമെന്നാണ് അറിയപ്പെടുന്ന ഉഷുവയയില് വെക്കേഷൻ ആഘോഷിക്കുകയാണ് ഗോപിക അനിലും ഗോവിന്ദ് പത്മസൂര്യയും. ഉഷുവയില് നിന്നുള്ള ചിത്രങ്ങളും റീലുകളുമൊക്കെ ഇരുവരും സോഷ്യല് മീഡിയയില് പങ്കിട്ടിട്ടുണ്ട്. ‘‘എവിടെയോ അകലെ, ലോകാവസാനത്തിൽ...’’ എന്ന ക്യാപ്ഷന് നല്കിയാണ് താരദമ്പതിമാര് പുതിയ വീഡിയോ പങ്കിട്ടിരിക്കുന്നത്. വീഡിയോയില് ജിപി ക്യാമറ വഴി ചിത്രം പകര്ത്തുന്നതും ഗോപിക ചിരിയോടെ പോസ് ചെയ്യുന്നതും കാണാം. ഉഷുവയയുടെ സൗന്ദര്യം മുഴുവന് വീഡിയോയില് കാണാം.
ഇക്കഴിഞ്ഞ ദിവസങ്ങളിലും ജിപിയും ഗോപികയും സോഷ്യല് മീഡിയയിലൂടെ ചിത്രങ്ങള് പങ്കിട്ടിരുന്നു. ‘‘ഞങ്ങള് ഈ സ്വർഗീയ നഗരത്തില് ഇറങ്ങി- ഉഷുവയ. ലോകത്തിലെ ഏറ്റവും തെക്കേ അറ്റത്തെ നഗരം... ലോകത്തിലെ അവസാന നഗരം...ഒരു പറുദീസയില് കുറഞ്ഞതല്ല ഇവിടം. ഈ സ്ഥലത്തിന്റെ യഥാർത്ഥ സൗന്ദര്യം പകർത്താൻ ഞങ്ങളുടെ ക്യാമറകള്ക്ക് കഴിഞ്ഞില്ല... എങ്കിലും ഞങ്ങളാല് കഴിയുന്നത്ര നിങ്ങളുമായി പങ്കുവയ്ക്കാം. വരും ദിവസങ്ങളില് നമ്മള് ഒരുമിച്ച് ലോകത്തിന്റെ ഈ അവസാനനഗരം പര്യവേക്ഷണം ചെയ്യാൻ തുടങ്ങും...’’ എന്നാണ് അവിടെയെത്തി ആദ്യ ചിത്രം പങ്കിട്ട് ജിപി കുറിച്ചത്.
ലോകത്തിലെ അവസാന നഗരമെന്ന് ഉഷുവയ അറിയപ്പെടുന്നത് ലോകത്തിന്റെ ഏറ്റവും തെക്കേ അറ്റത്ത് സ്ഥിതി ചെയ്യുന്ന നഗരമായതു കൊണ്ടാണ്. ഉഷുവയ പിന്നിട്ടാല് പിന്നെ അന്റാർട്ടിക്ക ആണ്. അതുകൊണ്ടു കൂടിയാണ് ഈ നഗരത്തെ ലോകത്തിലെ അവസാന നഗരം എന്നു വിശേഷിപ്പിക്കുന്നത്.
അർജന്റീന പ്രവിശ്യയായ ടിയറ ഡെല് ഫ്യൂഗോയുടെ തലസ്ഥാനമാണ് ഉഷുവയ. സമുദ്ര നിരപ്പില് നിന്നും വെറും ആറു മീറ്റർ ഉയരത്തിലാണ് ഈ നഗരം സ്ഥിതിചെയ്യുന്നത്. അന്താരാഷ്ട്രതലത്തില് അംഗീകരിക്കപ്പെട്ട അഞ്ച് അന്റാർട്ടിക്കൻ ഗേറ്റ് വേ നഗരങ്ങളില് ഒന്നാണ് ഇവിടം. ഉഷുവയയില് നിന്നും തെക്കെ ദിശയിലൂടെ 48 കിലോമീറ്റർ സഞ്ചരിച്ചാല് അന്റാർട്ടിക്കയില് എത്തിച്ചേരാം.
