നടനും രാഷ്ട്രീയപ്രവര്ത്തകനുമായ കൃഷ്ണകുമാറിന്റെ കുടുംബം സോഷ്യല് മീഡിയയില് തിളങ്ങി നില്ക്കുന്ന താരങ്ങളാണ്. മൂത്തമകള് അഹാന വളരെ സെലക്ടീവായ സിനിമകളിലേ അഭിനയിച്ചിട്ടുള്ളുവെങ്കിലും ആ കഥാപാത്രങ്ങളെല്ലാം ഏറെ ശ്രദ്ധിക്കപ്പെട്ടതാണ്. സോഷ്യല് മീഡിയയിലും തിളങ്ങി നില്ക്കുന്ന താരമാണ് അഹാന. സോഷ്യല് മീഡിയയില് സജീവമായ താരം വ്ളോഗിലൂടെയും പോസ്റ്റുകളിലും തന്റെ പുതിയ വിശേഷങ്ങള് പങ്കുവച്ച് എത്താറുണ്ട്. ഫോട്ടോഷൂട്ടുകളും റീല്സ് വീഡിയോകളുമൊക്കെ അഹാന അതിലൂടെ പങ്കിടാറുണ്ട്, ശ്രദ്ധിക്കപ്പെടാറുമുണ്ട്.
കഴിഞ്ഞ കുറച്ചു നാളുകളായി അഹാനയ്ക്കൊപ്പം ചേര്ത്തു വായിക്കുന്ന ഒരു പേരാണ് ഛായാഗ്രാഹകനായ നിമിഷ് രവി. അഹാന നിമിഷിനൊപ്പമുള്ള ഒരു ചിത്രം പങ്കിട്ടതോടെയാണ് ഇവര് രണ്ടാളും പ്രണയത്തിലാണെന്നുള്ള ഗോസിപ്പുകള് വരാന് തുടങ്ങിയത്. എന്നാല് ഇതേക്കുറിച്ച് രണ്ടാളും ഇതുവരെ പ്രതികരിച്ചിട്ടില്ല.
അതിനിടെ ഇപ്പോഴിതാ നിമിഷ് രവി പങ്കുവച്ച പുതിയ പോസ്റ്റാണ് വീണ്ടും ചർച്ചയാകുകയാണ്. വിദൂരതയില് പുറംതിരിഞ്ഞ് നില്ക്കുന്നൊരു പെണ്കുട്ടിയാണ് ചിത്രത്തിലുള്ളത് ‘‘യഥാർത്ഥ നിമിഷം, പക്ഷേ ഒരു പെയിന്റിംഗ് പോലെ...’’ എന്ന ക്യാപ്ഷന് നല്കിയാണ് നിമിഷ് രവി ചിത്രം പങ്കിട്ടിരിക്കുന്നത്. രാജസ്ഥാനില് നിന്നും പകര്ത്തിയ ഫോട്ടോയാണെന്ന് നിമിഷ് ചിത്രത്തിനൊപ്പം കുറിച്ചിട്ടുണ്ട്.
ചിത്രം വൈറലായതോടെ ഇത് അഹാനയല്ലേയെന്നാണ് ആരാധകരുടെ പ്രധാന ചോദ്യം. ‘ഈ ഒളിച്ചുകളി അവസാനിപ്പിക്ക്’ എന്നും ചിലർ പറയുന്നുണ്ട്. നിരവധി പേരാണ് ചിത്രത്തിന് സ്നേഹം അറിയിച്ച് എത്തിയത്.
ഇതിനു മുൻപും അഹാനയും നിമിഷും ഒന്നിച്ചുള്ള ചിത്രങ്ങളും വീഡിയോകളും സോഷ്യല് മീഡിയയില് വൈറലായിരുന്നു. ദിയയുടെ വിവാഹത്തിന് മാച്ചിംഗ് കളറിലുള്ള ഡ്രസാണ് ഇരുവരും ധരിച്ചത്. ഇതിനു പിന്നാലെ ഇവരുടെ വിവാഹനിശ്ചയവും ഇതിനിടയില് കഴിഞ്ഞോ എന്നും കമന്റുകള് വന്നു. ഇതിനു വിശദീകരണവുമായി നിമിഷ് എത്തിയിരുന്നു. തന്റെ കല്യാണം കഴിഞ്ഞിട്ടില്ലെന്നും തന്റെ ബെസ്റ്റ് ഫ്രണ്ടിന്റെ അനിയത്തിയുടെ കല്യാണത്തിലെ ചിത്രങ്ങളാണ് അത് എന്നായിരുന്നു നിമിഷ് അന്ന് പറഞ്ഞത്.
അഹാന കൃഷ്ണയും നിമിഷ് രവിയും നല്ല സുഹൃത്തുക്കളാണ്. ലൂക്കയെന്ന ചിത്രത്തിന്റെ ഛായാഗ്രാഹകനായിരുന്നു നിമിഷ്. സിനിമാമോഹവുമായി നടന്ന കാലം മുതല് അഹാനയ്ക്ക് നിമിഷിനെ അറിയാം. ഇരുവരും പിറന്നാള് ആശംസ അറിയിച്ചതും വൈറലായിട്ടുണ്ട്. പിറന്നാള് ആശംസകള് പാര്ട്നര്, കോണ്ഫിഡന്റ്, ബെസ്റ്റ് ഫ്രണ്ട് എന്നായിരുന്നു നിമിഷ് അഹാനയ്ക്ക് ആശംസക്കുറിപ്പില് എഴുതിയത്.
