കോട്ടയം: കേരള കോണ്ഗ്രസ് എം എല്ഡിഎഫ് വിട്ട് യുഡിഎഫില് ചേരുമെന്ന അഭ്യൂഹങ്ങളെ തള്ളി ജോസ് കെ മാണി. ഇടതുമുന്നണിയിലെ അവിഭാജ്യ ഘടകമാണ്. മുന്നണിയെ രാഷ്ട്രീയമായി ശക്തിപ്പെടുത്തുന്നതിന് നിരന്തരം പരിശ്രമിക്കുകയാണ്. പ്രചരിക്കുന്നത് വ്യാജവാര്ത്തകളാണെന്നും അദ്ദേഹം പറഞ്ഞു. ത്രിതല പഞ്ചായത്ത് തിരഞ്ഞെടുപ്പിലും അസംബ്ലി തിരഞ്ഞടുപ്പിലും ഇടതുമുന്നണിക്കൊപ്പം ഉണ്ടാകും.
നേതൃസ്ഥാനത്തിന്റെ പേരില് കലഹിക്കുന്ന യുഡിഎഫിനെ രക്ഷിക്കാന് ചില കേന്ദ്രങ്ങള് തുടര്ച്ചയായി വ്യാജവാര്ത്തകള് പ്രചരിപ്പിക്കുകയാണ്. ത്രിതല പഞ്ചായത്ത് തിരഞ്ഞെടുപ്പിലും, അസംബ്ലി തിരെഞ്ഞെടുപ്പിലും ഇടതുമുന്നണിക്ക് അഭിമാനകരമായ വിജയം സമ്മാനിക്കാന് പാര്ട്ടി ഘടകങ്ങളെ പൂര്ണ്ണമായും സജ്ജമാക്കുന്നതിനുള്ള പ്രവര്ത്തനങ്ങള് താഴെ തട്ടില് നടക്കുകയാണ്.
മുന്നണിമാറ്റം സംബന്ധിച്ചുള്ള വ്യാജവാര്ത്തകളെ കേരള കോണ്ഗ്രസ് (എം) പൂര്ണ്ണമായും തള്ളുന്നു. ഇടതുമുന്നണിയുടെ അവിഭാജ്യഘടകമായ കേരളാ കോണ്ഗ്രസ് (എം) മുന്നണിയെ രാഷ്ട്രീയമായി ശക്തിപ്പെടുത്തുന്നതിനും മുന്നണിയുടെ ജനകീയ അടിത്തറ വിപുലപ്പെടുത്തുന്നതിനുമായി നിരന്തരം പരിശ്രമിക്കുകയാണ്. കേരള കോണ്ഗ്രസ് എമ്മിനെ പ്രതീക്ഷിച്ചിരിക്കുന്നവര് തിളപ്പിച്ച വെള്ളം വാങ്ങി വയ്ക്കുകയാണ് നല്ലതെന്നും ജോസ് കെ മാണി പറഞ്ഞു.
