ശ്രീനഗര്: ജമ്മു കശ്മീരില് ഏറ്റുമുട്ടലില് മൂന്ന് ഭീകരരെ സൈന്യം വധിച്ചു. ഒരു സൈനികന് പരിക്കേറ്റിട്ടുണ്ട്. ഭീകരര്ക്കെതിരായ ഓപ്പറേഷന് അഖല് മൂന്നാം ദിവസത്തിലേക്ക് കടന്നു. ഓപ്പറേഷനില് ഇതുവരെ വധിച്ച ഭീകരരുടെ എണ്ണം ആറായി.
ഈ വര്ഷത്തെ ഏറ്റവും വലിയ ഭീകരവിരുദ്ധ വേട്ടയാണ് കശ്മീരില് നടക്കുന്നത്. തെക്കന് കശ്മീരിലെ കുല്ഗാം ജില്ലയിലെ അഖല് വനമേഖലയില് രാത്രി വൈകിയും വെടിവെപ്പുണ്ടായി. സൈന്യം, സിആര്പിഎഫ്, ജമ്മു കശ്മീര് പൊലീസ് എന്നിവയുടെ സംയുക്ത സംഘവും ഭീകരരും തമ്മില് ഏറ്റുമുട്ടല് തുടരുന്നതായാണ് റിപ്പോര്ട്ട്.
